Ka Nasib, Buka Puasa Sajan Presiden Jokowi Pak Nova Duek Bak Meja 02
Nasaja Berita - Banda Aceh, Uroe Jeumeu'at tanggai 24 baroesa, Pak Plt na geujak buka puasa u Jakarta sajan Presiden Jokowi. Ateuh undangan dari Kamar Dagang dan Industri Indonesia, KADIN ji kheun, meunyo di Aceh Mualem keu ketua, meunan info nyang troh bak punyung Apa.
Sinan lam poto leumah Pak Plt geuduek deungon anggota DPR RI, Teuku Rifki Harsya. Nyang dua droe teuk hana Apa turi. Nyan TRH pih Apa turi, seubab seureng meukalon bak seupaduk ngon baliho di Banda Aceh seulama kampanye. Dan na kalender gamba gobnyan lom si on di rumoh.
Leumah lam poto ureung sok bajee puteh mandum. Ka meunan ada sang bak hie.
Jadi meunurot Apa baca bak LiputanAceh Pak Presiden ka teulat bacut troh. Ka poh 17 lewat, karap jeut buka puasa. Na meuntroe-meuntroe sit meupadum droe sajan Jokowi.
Teuman nyang paih that lumboi meja keu pak Plt Gubernur Aceh 02 meunan. Na can icaih Pak Jokowi sang, seubab yang duek bak meja 02 nyan Plt Gubernur Aceh. Pemimpin daerah nyang di daerah nyan, meutimphan Jokowi lam pilpres baroesa. 14, seukian persen sagai suara. Bah pih lam jumlah hana meusabih keucamatan di Jawa Tengah pih. Tapi lam persen meuhie ju leumoh meunan.
Teuman aleh ek teuingat keunan di Pak Jokowi hom geuh. Meunyo teuingat dan jiteumee seupaning ka paloe teuh. Meukeut'eut sang rasa bu watee geupajoh. Tapi yakin bak ta eu hie, Pak Jokowi hana meunan ureung jih. Seulow mantong, geu khem-khem keudroe geuh lagee biasa. Nyan mandua boh sang nyan mantong haba sang. Bek that neupeuseuriuh droe bak ayat nyan. Nasaja kiraju.
Dan ureung-ureung nyang duek sinan aleh ek na teuingat keunan pih hom. Kadang watee teuingat geukhem-khe, sidroe atawa sit geupeuget kra sabee droe hinan seubab paih that meuteume lumboi meja. Ka nasib kiraju. Ta ingat jinoe ka meuhie lucu.
0 Response to "Ka Nasib, Buka Puasa Sajan Presiden Jokowi Pak Nova Duek Bak Meja 02"
Post a Comment