Ka Meuramah, Caleg DPRA Gerindra Peu ek Suara Droe, Jilapor Bak Bawaslu Le Rakan Saboh Partai
Nasaja Berita - Aceh Utara, Nyan neukalon lam peulitek, adak sabee droe pih hanjeut weuk tamah. Teutap haroih meu'en lagee aturan. Bek na rencana peu ek suara droe, meuramah ngon droe lam saboh partai.
Caleg DPRA dari Partai Gerindra nyang na di Aceh utara Ridwan Yunus, ka suah jilapor bak Bawaslu le rakan droe nyang ek DPRA sit dari Partai Gerindra, Junaidi Yahya.
Meunurot info Ridwan Yunus ka geugelembungkan suara bak TPS-TPS. Gelembung nyan istilah awak nyo lam basa Indoneh. Mudah jih, lam basa Aceh ta meuphom, ji peu ek suara droe.
Geupeugah le ketua Timses Junaidi Yahya, bang Agam M. Khalilullah, nyan keujadian peu ek suara droe nyan bak padum-padum boh TPS nyang di di Matang Kuli, Aceh Utara.
"Lam padum uroe u likot kalheuh kamoe laporkan bak Bawaslu. Kamoe yakin, Bawaslu akan ek jiungkap kecurangan nyo." Kheun Bang Khalilullah. Nibak uroe Rabu tanggai 1/5 baroe.
Geulanjot lom le bang Khalilullah," Cara ji peu ek suara droe, ji cok suara partai jitulak keu suara droe jih. Bahkan suara partai gob pih thee-tee kajeut keu suara jih."
Lheuh nyan geuharapkan DPD Partai Gerindra di Aceh pih cok sikap bak keujadian nyoe. Suapaya bek meujajah that. Meunan Apa baca bak Mercinews, leubeh kureung.
Nyan ban kiraju. Alah awak partai Da Mulah ek, hana ijak lapor. Meuhan ka meuramah. Ubee seip keu sie meugang sagai lheuh tulak suara. DI ureung nyan hom geuh, Seubab laen partai.
0 Response to "Ka Meuramah, Caleg DPRA Gerindra Peu ek Suara Droe, Jilapor Bak Bawaslu Le Rakan Saboh Partai"
Post a Comment