Ka Jidrop Soenarko, Apa Karya: Nyan Bek Peudaleh-daleh Keu GAM
Nasaja Berita - Banda Aceh, Apa Karya atawa Zakaria Saman nyang saban-saban ta teupu seulaku Meuntro Pertahanan GAM nbak masa nyan geupeuingat bak ubee na ureung nyang bahwa nyan kasus nyang ka jidrop Mantan Danjen Kopassus Mayjen Purnawirawwan Soenarko seubab kasus jipasok senjata ilegal nyang jipeugah dari Aceh nyan, supaya bek jak peudaleh keu GAM.
Bek bak ka meucukeh Aceh, dan beudee, ka meudaleh le keu GAM eunteuk. Hana beutoi nyan meunyo jak peugah nyang pasok beude di Aceh keu Soenarko nyan mantan pasukan GAM.
"Nyan kon beudee ureung GAM atawa beudee sisa masa konflik jameun." Kheun Apa Karia.
"Beudee ureung GAM panee na lom, ka abeh ta koh dan tajok pulang keu awak nyan, watee masa dame" Nyan ban haba Apa Karya nyang Apa Raban baca berita bak Beritakini nyang geutuleh le Bang Masrizal, beuklam lheuh seumayang Teraweh.
Tapi teutap bagi Apa Karya meuseu keu masalah amntong na beude dum di Aceh nyan sit ka beutoi. Tapi nyan beudee nyan meunurot Apa Karya beudee nyang jipakek le mafia narkoba nyang na di Aceh dum.
"Asai na ji tamong sabu-sabu keunoe u Aceh. Lon jamin pasti na jitamong beudee. Seubab nyan untuk jaga droe awak nyan. Meuhan han mungken leupah sabu-sabu u Aceh meunyo hana beudee awak nyan. Lon ku teujeut jamin nyan, seubab ka trep ka ta teupu." Kheun Apa Karya bak wartawan uroe Rabu, 22/5 baroe.
Apa geuharap bek na jak peudaleh keu GAM teukaet masalah beudee nyan. Apa Karya geuakui meuturi ngon Soenarko nyan. Na tom meureumpok meupadum go.
"Jadi bek jak peukaet-kaet dan jak peudaleh-daleh. Bek sang-sang eunteuk GAM nyo awak meukat beudee" Takat Apa Karya.
Soenarko jinoe ka jidrop dan ji theun lam peunjara di Rutan Militer Guntur. Soenarko nyan na tom jeut keu Pangdam Iskandar Muda di Aceh, thon 2008-2009 dilee.
Poto ata bak gugel nyan, sang ata bak situs Serambi Indonesia.
0 Response to "Ka Jidrop Soenarko, Apa Karya: Nyan Bek Peudaleh-daleh Keu GAM"
Post a Comment