Hasto Kritiyanto: Kursi PA Maken Yuk, Gerindra Ngon PKS Nyang Cok Laba
Nasaja Berita - Jakarta, Rupajih brat perhatian dari sekjen PDIP, Hasto Kritiyanto keu Aceh kalinyoe. Pu lom lheuh brat that talo Jokowi-Makruk Amin di Aceh. Nyang meunurot Hasto, Jokowi talo di Aceh nyang keuphon saweub brat that fitnah keu Jokowi, nyang keudua teuga carong that peulitek Partai Gerindra ngon PKS di Aceh. Sampe-sampe kursi PA dan Parlok laen maken yuk laju-laju. Meunan geupeugah watee meureumpok wartawan di keu rumoh Megawati uroe Hameh tanggai 9/5, bunoe.
Meunurot Hasto, awak Gerindra ngon PKS memang na upaya untuk jikruet suara PA keu awak nyan. Hai lam bahsa Indoneh jikheun menggerus partai lokal. Teuman menggerus kon kruet ju ta peuareuti leubeh kureung.
"Ubee na parlok di Aceh manken niet kureusi, bahkan PA nyang 15 boh kursi gadoh kalinyoe." Meunan meunurot info nyang Hasto teurimong.
Lanjot Hasto, "Ironi meunyoe takalon meunan, seubab dari awai na komitmen bangun masa depan Aceh saban-saban deungon partai lokal. Tapi nyang leumah keumudian, Gerindra ngon PKS nyang cok laba, ji kruet partai lokal di Aceh."
Ironi nyan, kon i roni aduen si rona beh. Nyan bahsa aleh pu bahsa nyang makna jih weuh ta kalon, aneh meunan, gura ju. Nyan makna ironi.
Hasto seulaen Sekjen PDIP, jih pih Sekjen TKN Jokowi-Makruf Amin. Kalinyoe rencana teutap keuneuk meugot ngon ubee na Partai Lokal, bah pih di Aceh Jokowi meutumphan talo, dan PDIP pih lagee haba nyan sit.
"Kamoe akan konsolidasi deungon parlok di Aceh, terutama Partai Aceh seulaen menata diri sit. Kamoe dari phon hana rencana meubacut jak gerus atawa kruet kursi partai lokal, tapi kamoe malah ingin partai lokal nyo maken kong dan kuat untuk bangun Aceh ukeu. Kon maken leumoh, gadoh kureusi." Meunan lah leubeh kureung meuphom dari pu nyang Hasto nyan peugah.
Nyan saban sit bak Beritakini Apa baca, ureung nyan geucok bak detik.com. Seudangkan poto ata bak Tempo.co Apa cok bak gugel.
0 Response to "Hasto Kritiyanto: Kursi PA Maken Yuk, Gerindra Ngon PKS Nyang Cok Laba"
Post a Comment