Gara-Gara On Siribee Rupiah, Jithee Matangkuli Man Saboh Indonesia Raya

Nasaja Berita - Banda Aceh, Uroe Sabtu tanggai 11 baroe viral that video bak pesbuk ngon inseutagram bhaih ureung meujubah, keunong kupiah, ija sawak bendera palestina jak lakee sumbangan bak Indomaret di Matangkuli, Aceh Utara.

Lam video nyan, icaih that Teungku mita sumbangan kiraju seubab siribe rupiah sagai ijok le awak keurija atawa kasir hinan. Bak Apa kira sang seubab on Patimura ijok. Meuparang meunan peng on nyan, kadang geupike le Teungku nyan, nyo ka jipakat lawan, sumbangan ta lake, parang jipeuleumah ateuh teuh. Teuman ek nyo meunan? Nyang ka pasti kon nyan seubab peukara.

Jadi nyang jeut keu icaih that Teungku lam video nyan seubab nit that jijok sumbangan. Padahai sumbangan rencana keu Palestina. Kon keu ureung mita. Meunan lah leubeh kureung meukeusud dan calitra. Teuman di awak keurija, panee jiteujeut jok le that, peng ata bak jimeukat. Sangkira peng droe mungken ji teujeut jok on juta.

Sinoe lam video neukalon keudroe. Nyoe lengkap barang bak Apa. Hana saban lagee awak nyo share kiraju. Leubeh Apa bacut, kon hanjeut keu masalah.

Meu dum ureung meukat eungkot pih sitohribe geujok. Kheun teungku nyan lam bahsa Indoneh.

Brat icaih Teungku nyan, plok ie Coccacola meuhambo kiraju. Nyoe meunan tulesan colacola nyan pih. Pucat lheuh adek mameh nyang duek bak kasir nyan. Na can han ji teujeut jak keurija le uroe Aleuhad ngon Seulanyan meunyo meunan moden. Keupu geujak dhot awak keurija, padahai sit kadang aneuk yatim, teuman yatim rayek. Mak i katuha di rumoh, ji useuha jak keurija bak indomaret. Seubab hana soe tueng keurija laen. Adak na pih hana seip keu gaji.

Nyo ka keunong seup hana meupat-pat. Nyan watee jibuka puasa sang nah, ie teube rasa ie tuba bak lidah. Boh rom-rom rasa lagee beurtoh bom. Alah ma beh teuh.

Teuman leungkap jih neukalon keudroe ju hinan bak video nyang ka meulhat di ateuh. 

Tok gara-gara geumariet lam bahsa Indoneh jiteume viral mansaboh Indonesia Raya. Bak kumparan ka na, bak youtube ka na, bak inseutagram pu ta peugah man, that bagah jiapeudet awak nyan. Sangkira lam bahsa Aceh, hana meudaleh teunak ju ubee ek, mangat ta peuteupat sabee Aceh teuh.

Alah kon lam bahsa Arab atawa bahsa Israel, meunyo jiteupu le awak Palestina na can han jitueng le peng sumbangan tanyoe Aceh, ji pike sinoe lam nanggroe watee ta lakee sumbangan, ta teunak ureung ilee ubee na. Nasaja kiraju.

Share this post