Di Madat, Buka Puasa Mahasiswa Lheuh Musik Ka Tan Ceuramah Dari Useutad
Nasaja Berita – Aceh Timu, that meu moderen ka awak geutanyoe lawet nyo hai neukiraju. Rata sagoe buka puasa bersama. Hai hana masalah seubeutoi jih, teuma meunyo ka meujampu lawök pane beutoi lom.
Nyang phon ilee meujampu lawök inöng ngön agam. Pu lom nyang muda seudang, sit mantöng teuga that jigeudh'et kiraju. Kön hanjeut, tapi sit han. Pu teuman ata ka meunan. E sigö-gö batat, biasa nan jih aneuk muda. Bah pih hanjeut ta peubiasa.
Nyang brat lom gura, baroe keujadian Tanjong Minjei, Kecamatan Madat, Aceh Timu. Na buka puasa bersama awak mahasuwa. Aleh mahasuwa panee pih hom. Sang dari macam-macam. Gura jih meunoe, Apa teume info dari salah sidroe peserta nyang bahwa kalinyo hana jiundang teungku atawa useutad untuk ceuramah. Ji yu duek deungö awak nyan kheun lagu sagai, sampe buka puasa.
Teuman lheuh ka hek jikheun lagu baro buka puasa. Lheuh buka puasa na bagi seudeukah keu aneuk yatim. Ka jroh teuh. Sit buet jroeh meunyoe bagi seudeukah dan sumbangan keu aneuk yatim.
Tgk Musliadi, Alumni Dayah nyang seureng brie ceuramah geusampaikan bak Apa rot pesbuk nyang bahwa keugiatan nyan ka hana paih.
"Pu ka jipeulaku. Nyan kön lagee ta lhap ruti seulee lam ek ciret. Seuharusjih bak buet buka puasa lam buleun Ramadhan, acara beu sakral. Le that fadhilah pu lom watee karap buka. Nyan meubak-bak fahala geubrie le Poe meunyo ta tem meuratep ta tem meudo'a. Watee mustajabah do'a." Icaih that Tgk Musliadi.
"Pu ka jipeulaku. Nyan kön lagee ta lhap ruti seulee lam ek ciret. Seuharusjih bak buet buka puasa lam buleun Ramadhan, acara beu sakral. Le that fadhilah pu lom watee karap buka. Nyan meubak-bak fahala geubrie le Poe meunyo ta tem meuratep ta tem meudo'a. Watee mustajabah do'a." Icaih that Tgk Musliadi.
"Nyo ta peugah droe wilayah syari'at Islam. Tapi buet ka meujampu lawök. Ta harap pemerintah Aceh Timu seulaku poe pihak wilayah nyan beu na suara. Kirem haba peuingat bak kafe kafe nyang na di wilayah droe. Meunyo peugöt acara, bek meujampu-jampu dan meugura-gura." Kheun Tgk Musliadi.
Ka jibantah le Panitia: Panitia Buka Puasa di Madat: Inti Acara, Santunan Aneuk Yatim, Musik Religi Bacut Sagai
Ka jibantah le Panitia: Panitia Buka Puasa di Madat: Inti Acara, Santunan Aneuk Yatim, Musik Religi Bacut Sagai
Wajar pih beungeh geuh kalinyo. Seubab ubee Apa teupu, thon nyang kalheuh Teugku Mus na jiundang keu penceramah bak acara nyan. Lagee nyan sit keujadian, lheuh seumayang magreb baro meuteume ceuramah. Nyan pih leupah ramee nyang tan seumayang. Alah pih kon teungöh mugreb ji greng-greng gitar lom.
Kalheuh geupeuingat, bek le lagee nyan thon seulanjot jih (puasa nyang kalheuh geupeuingat) Rupajih keubiet hana le meunan, langsong tan na le ceuramah sama sekali. P'uep daih kiraju.
0 Response to "Di Madat, Buka Puasa Mahasiswa Lheuh Musik Ka Tan Ceuramah Dari Useutad"
Post a Comment