Uroe Nyoe Jithok Palee Sidang Keu Bang Wandi Le Hakim

Nasaja Berita - Jakarta, Uroe nyoe, Seulanyan tanggai 8/4 akan ta kalon kiban hasil vonis dari sidang keu Gubernur geutanyoe Aceh, Irwandi Yusuf atawa Bang Wandi teuh siurat teuk. Meunurot jadwal eunteuk cot uroe mulai sidang. Meunan beuklam Apa baca bak Klikkabar.com nyang jujur that dalam mengabarkan. Berita sinan ata geutuleh le bang Murizal Hamzah. Nyan wartawan senior. Kon cilet-cilet, leubeh senior bak Apa siangen. Bah pih leubeh bereh Apa bacut khong.

Kon cuma Bang Wandi, tapi Hendri Yuzal, ajudan Bang Wandi ngon T.Saiful Bahri nyang sidroe pengusaha atawa kontraktror nyang meukumat kasus nyoe pih meusigo preh sidang. Lam sigo sidang, ban lhee geuh ji thok ngon palee le hakim. Kon ji thok bak ulee ureung nyan, tapi ji thok pale ji cok keuputusan vonis, padum trep keunong hukoman.

Seugolom jih Bang Wandi kalheuh geu Pledoi meu dua go meunyoe hana salah Apa. Meunyoe salah, beurarti si go sagai. Nyang inti jih kalheuh na sidang pledoi, untuk lakee keringanan tuntutan bahkan banding bebas. Nyan istilah lam bideung hukom, hana got ta tu'oh tanyoe. Keu ta teupu mantong ka jeut.

Meunurot Pak Sayuthi, SH., seulaku pengacara nyang bela Bang Wandi, jatah jadwal sidahng eunteuk poh siploh. Teuman bisa jadi teulat siangen, lagee biasa sampe lheuh leuho. Mangat leubeh meuseuniya.

"Ta preh eunteuk kiban hasil sidang, nyang ka teunte kamoe meulake Bang Wandi beu geu vonis bebaih le hakim. Seubab lam fakta persidangan, hana lagee ji tuntuk le jaksa dari KPK". Kheun Pak Sayuti nyan.

Seugolom jih, Lagee nyang kalheuh Apa peu ek lam berita awai, Bang Wandi ji tuntut siploh thon penjara, meunyoe hendri Yuzal keunong tuntutan lmong thon. Saiful Bahri keunong tuntutan nam thon.

Teuman di geutanyoe rakyat ta preh mantong kiban hasil vonis dari hakim. Ta meulake bak Poe teuh Allah ta'ala kon beu adee vonis. Meunyoe salah hukom, meunyoe hana teubukti salah peulheuh, bek zalem that. Nyan ban. Nasaja kiraju.

Share this post