Sibok Mita Suara, Ka Buleun Peut Waki Bak DPRA Goh Na Agenda

Nasaja Berita - Banda Aceh, Nyan ban neukalon kiban mangat jeut keu anggota Dewan. Lheuh meupakat bhaih anggaran lam awai thôn 2019 baroesa. Sampé inoehat hana agenda rayek sapu pih. Padahai nyoe ka rap abéh buleun peut saré.

Lé awak Beritakini na dihubungi ureueng bak dewan, seubab ureueng nyan na lumbôi hapé Pak Dewan. Geucuba tanyong pajan na kegiatan dan jaduwal rapat, pakon ka hana rhop sagai lawét nyoe.

Geujaweub lé Pak Dewan nyan nyang bahwa memang hana agenda lam buleun nyoe. Buleun Mei eunteuk meunyo hana halangan sapu.

"Mungkén rencana lam buleun puasa eunteuk." Kheun Sèkwan atawa Sekretarieh Dewan, Suhaimi.

Sang bak hi sit ka geumeupakat sesama anggota dewan, supaya bèk na agenda seulama fokus mita suara. Seubab ramè anggeta DPRA nyang ék calon keulayi thôn nyoe. Pu keuh ék bak sot, bak DPRA, atawa ék keudéh u ateuh lom, bak DPR RI, nyang pokokjih cara geumita. Nyang hana ék saho, pré tèk-tok kiraju. Nyan haba sang beh. Mantong sang. Nasaja kiraju bak ta peu sang keu buet dewan.

Rupajih ureung wartawan Beritakini hana cilèt-cilèt. Keubiet jak beutrôh kalon beudeuh. Sampé geujak u kantô dewan. Meu moto anggota dewan tan kiraju. Moto na meupadum boh. Tapi kon moto anggota dewan ék biasa. 

Meunan info ba Beritakini ata geutuleh le bang Hidayat, keu bungong caw'ek ini itu nyan gaya rawi bak Apa.

Share this post