Sabe Geuplueng Dari Mahasiswa, Presma UIN Curiga Keu Pak Nova
Nasaja Berita - Banda Aceh, Rizki Ardial, Presma kampus UIN Arraniry kalinyoe ka mulai curiga keu Pak Nova Iriansyah seulaku Plt. Gubernur Aceh. Seubab meunurot Rizki seulawet masalah PT. EMM nyoe, Pak Nova sabee geu peusee droe untuk meureumpok mahasiswa.
Memang demo kon cuma baro phon, ka padum go ka u likot that teuga demo untuk PT. EMM nyan. Bahkan watee ban-ban that demo awai bak Simpang Limong Banda Aceh ramee nyang peu ulok awak demo, ji peugah pasukan nasi bungkus. That paleh-paleh pih awak geutanyoe Aceh. Asai ka ji grak buet mahasiswa macam bago ta kheun. Watee hana ji peulaku sapu pih ta kheun. That geup'uep daih kiraju.
"Ka padum go kamoe mahasiswa jak demo dan lake meureumpok deungon Pak Nova, tapi sabee geuhindari, geuplueng hoe laen. Pu na ile?" Ka mulai curiga dek Rizki.
"Pakon Plt. Gubernur asai ta tuntut kepentingan masayarakat Aceh geujak hoe laen. Hana memihak rakyat sagai. Curiga teuh, pu gobnyan nyan titipan awak laen nyang mita kepentingan di Aceh. Kon kepentingan rakyat?" Meunan meuphom bahsa watee ji orasi le Presma UIN nyan.
Lheuh nyan dilanjot lom le dek Rizki, "Kesan jih sang Plt seungaja geu peumulus langkah awak PT. EMM. Sampe inoehat maken teuga ji operasi awak PT nyan."
Korlap demo atawa koordinator lapangan watee demo baroe pih ji peugah hai nyang karap-karap saban, "Pu keuh hana leumah le kiban warga di Beutong Ateuh sideh han geutueng na PT nyan seubab abeh reuloh lingkungan. Adak meudeh geu meudong blah rakyat sideh." Nyan ban dari Ilham Zamzami.
Baroe beurtoh ji demo neukiraju. Kon siploh ijak, meureutoh ijak mahasiswa. Kon cuma dari saboh kampus di Banda Aceh, sampe dari Unimal Lhokseumawe na troh gabong demo. Meunyoe hana tanggapan dari Pak Nova sang, na can ji jak ureung gampong u Banda Aceh, ijak demo lom. Meunyoe ureung gampong demo, parang ngon cangkoi biasa roh geuba sajan. Pu lom ureung lam gunong. Nasaja kiraju.
Bak Acehsatu.com meunan Apa baca, keu rawi lam bahsa Aceh deungon gaya khas nasajaberita urusan Apa.
Bak Acehsatu.com meunan Apa baca, keu rawi lam bahsa Aceh deungon gaya khas nasajaberita urusan Apa.
0 Response to "Sabe Geuplueng Dari Mahasiswa, Presma UIN Curiga Keu Pak Nova"
Post a Comment