Reubah Mari Ateuh Gaki, Syahrini Suah Peupo Bak Doto Ngon Jet Pribadi
Nasaja Berita - Jakarta, That geup'uep daih berita kalinyoe neukiraju. Baro Apa teupu, rupajih bak uroe pileh caleg ngon Presiden baroesa, areutih Syahrini, ji teume keumong gaki gara-gara reubah mari minyeuk wangi ata suami. Tapi teutap ijak cobloih sit i peugah, demi negeri ini. Meuna Apa baca bak web suara.com.
Nyang gura, dan han ek ta lieh sagai, nyan bacut keunong ka suah peupo ngon jet pribadi keudeh bak doto. Teuman meunyoe ta kheun meunan sang-sang iri teuh. Igob na jet pribadi di geutanyoe gampong, meumada ngon gari. Nyan pih na nyang ka patah jari-jari meu lhee neuk sapat ka. Ukuran watee ka lho gari, ji goyang bhan, lagee goyangan Syahrini. That geu soh min dih kiraju.
Nyoe berita ka teulat Apa teupu, tapi suah ta peu ek sit, bek hana berita bhaih areutih sagai bak nasaja berita nah.
Teuman lheuh Apa cek ngon ricek, cuma keumong sagai, beungkak meunan. Karap lagee geutanyoe gampong keunong ceumeukam. Apa pike phon ji teume meukilah gaki dek Syahrini nyan.
Nyan keuh meunan peukateun areutih awak Indoneh neukiraju. Nyang ji keuneuk peugah pu. Lako dek Syahrini nyan le that minyeuk wangi sajan, meu mari-mari, di geutanyoe nyan ata isi ulang, hana meuganto-ganto plok. Nyan pih wap keunong dhot bak inong seubab ka meube kameng. Meuhan sit meu na tan.
Nyang keudua, areutih Indoneh na jet pribadi. Adak meujeut ijak u pasai jak blo gulee pih pakek jet kiraju. Teuma bak hana pat parkir seubab.
Nyang ke lhee, bacut lecet, langsong jak bak doto, han meumada ngon betadine. Meunyoe keumong gateh atawa beungkak han meumada ngon boh pala ta pleue bak punggong caprok, suah langosng beu jitangani le doto ahli.
Nyoe kon meujak kheun dan hina areutih, nyang Apa keuneuk peugah, jioh that beda kehidupan tanyoe gampong ngon areutih nyang kaya ijo nyan. Dan tuboh badan awak nyan, ka ji asurasi, bacut meucureh langsong bak doto, meuhan han lagot le bak tiphi. Pantang meuparot kiraju. Di geutanyoe mulai dari parot kurap masa jameun, sampe kudee masa muda ka meuhie peta Indoneh neukiraju, rata sagoe na. Nasaja kiraju.
Beubagah puleh dek Syahrini Apa, seubab Da Mulah galak that keu Syahrini. Maju mundur syantik. Asai bek sape geulake baplueng bak doto meunyoe teusie ngon sikin bak cang bawang ka aman. Suah reupah jet aneuk kumuen teuh, ji po tna, nyang na sue meu wie-wie-wie.
Nyan poto ata Apa cok bak cumicumi.com nyang ji aplod bak inseutagram Dek Syahrini.
Nyan poto ata Apa cok bak cumicumi.com nyang ji aplod bak inseutagram Dek Syahrini.
0 Response to "Reubah Mari Ateuh Gaki, Syahrini Suah Peupo Bak Doto Ngon Jet Pribadi"
Post a Comment