Pancuri Bangai, Watee Jikeuneuk Balap, Awai Meusipreuk Reubah Bak Jalan
Nasaja Berita – Lhoksemawe, Nyoe berita keujadian uroe Jeumeu'at, malam Sabtu tanggai 29/3 baroesa seukitaran poh 9 lewat bacut. Teuman baro Apa teupu, kakeuh baro Apa tuleh. Keujadian di Lhokseumawe, ji cu atawa jambret dompet ngön HP ureung jak ngön honda bak jalan di keu seumijid Islamic Center, toe lapangan Hiraq.
Jadi ceurita jih nyang cu nyoe awak Hagu Teungoh, Kecamatan Banda Sakti, Lhokseumawe. Nyoe kon Apa peu awak beh, bek ji ek seupaning ureung Hagu mansaboh gampong eunteuk, ka meuramah Apa neukiraju. Tapi nyang keuneuk peugah, MR ngön MRA nyan warga Hagu Teungoh. Meunan bak KTP, kakeuh meunan ta peugah. Yu cabot KTP keudeh bak Geuchiek, male gampong-gampong teuh nyan model. Pu jak ceumeucu lam gampong droe. Kon ijak u Midan keudeh hom jih hideh, hana soe teupu.
Tapi nyoe keujadian jih lagee di Midan neukiraju. Geupeugah le Pak Kapolsek Banda Sakti, Iptu Arief Sukmo Wibowo, dari nan ka ta tunee ureung panee Pak Kapolsek, "Awak nyan dua ji jak i sampeng korban nyang teungoh jak bak jalan dikeu Islamic Center, watee ka santeut, ji reupah teuk honda ngon dompet. Kak nyan geuwoe jak belanja bak Swalayan." Sang Indomaret bak Apa kira.
"Jadi meugusurak teuk ubee raya di Kak nyan, geudeungo le ureung sinan. geupeucrok teuk. Ukuran meu honda rap hanjeut ji gah le, meuhambo ju hinan, hana jioh bak lokasi keujadian ji jambret nyan." Kheun Pak Wibowo nyan.
Meunan reubah meuhambo, meusipreuk, meupayeuk, beh pane na kön cot ikue ji plueng keudeh u arah jalan kanto Bupati Aceh Utara awai. Blah deh seumijid aleh pu nan seumijid nyan.
Poh 2 malam ji drop teuk le ureung, seubab malam nyan MR di meusom daerah Simpang Peut. geudroep le warga sinan. Seudangkan MRA, malam Aleuhad baro ji drop, seukitaran poh seuteungoh 9, lheuh Isya, di seukitaran Hagu Teungoh. Keu barang bukti, na dompet saboh, HP Xiaomi, dan na peng meu 74.800 rupiah. Teuman lam Beritakini hana geupeugah Kak atawa Abang le Bang Masrizal, tapi Apa teupu seubab na HP Xiaomi lam dompet. Hana Apa kalon lom sidroe ureung agam pasoe HP lam dompet. Nyan kon biet, bak Indomaret geu beulanja, makajih na bak 800 meunan. Laen hana le, ji peu paih on 500 atawa 1.000 ju.
0 Response to "Pancuri Bangai, Watee Jikeuneuk Balap, Awai Meusipreuk Reubah Bak Jalan"
Post a Comment