Mualem: Meunyo Prabowo Presiden, Izin PT EMM Nyan Rakyat Aceh Cok Alih
Nasaja Berita – Banda Aceh, Masalah PT EMM jinoe ka seuleuso sementara, seubab Pak Plt Gubernur Nova Iriansyah kalheuh duek pakat ngön Pak Mentri sideh di Jakarta. Mentri nyan pih geudukong PT EMM kajeut seutop operasi.
Teuman kalinyoe Mualem atawa Muzakir Manaf geupeugah nyang bahwa meunyoe meunang Prabowo Sandi keu Presiden dan Waki Presiden neugara Indoneh, nyan izin PT nyan rakyat Aceh nyang akan kelola.
"Meunyo meunang Prabowo Sandi, izin PT EMM akan dialihkan keu rakyat Aceh." Kheun Mualem di keude kupi Barcelona, sideh di Aceh Singkel baroe, uroe Seulanyan (29/4)
Beh bek ilee, supoe PT ilee nyan, pu ek ji brie tanyoe kelola? Alah kadang sit geubrie.
Tapi kön meunan meukeusud. Nyang meukeusud Mualem, nyan izin PT EMM nyan ka jicabot lheuh nyan baro nego ulang, keu soe nyang jeut kelola deungön kesepakatan weuk laba beujeulaih lagee nyang ka meutuleh bak MoU Helsinki dan UUPA.
"Hasee alam Aceh harus beugeuteumee rasa le ureung Aceh. Adak pih hana teunaga Aceh nyang ek kelola, ta peujok bak investor deungön perjanjian padum weuk (keu pemerintah, masyarakat dan PT nyang kelola." Meunan kheun Mualem.
"Dan perjanjian jih sinoe di Aceh ta peujadeh, hanjeut di luwa." Kheun Mualem lom.
0 Response to "Mualem: Meunyo Prabowo Presiden, Izin PT EMM Nyan Rakyat Aceh Cok Alih"
Post a Comment