Meuapui! Rais 'Am PB RTA: Neubina dan Neupeurhati Aneuk Muda!
Nasaja Berita - Banda Aceh, Beuklam uroe Seulanyan tanggai 8/4 rupajih na acara Muktamar RTA atawa Rabithah Thaliban Aceh nyakni persatuan santri-santri nyang na di dayah di seluruh Aceh, bak hotel Mekkah, di Lampriek, Banda Aceh. THotel nyan toe-toe siangen deungon rumoh saket Zainoel Abidin, dan toe sit deungon seumijid Agung Al Makmur, atawa ji kheun le awak nyoe sinoe seumijid Oman.
Lam kata sambutan dari rais 'am atawa ketua umum RTA, Teungku Imran Abubakar, M.Sy, lagee biasa kiban aneuk muda ju. Meuapui geupeugah haba bak geuorasi lam kata sambutan acara pembukaan.
Nyang meukeunong that bak Apa deungo lam orasinya ata bak video nonton langsung ata geusiarkan bak pesbuk RTA Pidie, nakeuh bhaih aneuk muda. Tgk Imran geulake bak pemerintah beu na perhatian khusus dari pemerintah keu aneuk muda. Tgk Imran geupeugah haba mulai bak minet 24.
Na geutarek hadih Nabi sikrak, teuman Apa hana jeut aphai, dan pih hana meutu'oh tuleh lam bahsa Arab sinoe, kakeuh meupeugah meukeusud mantong ubee Apa meuphom. Nyang intijih, aneuk muda nyoe geuyu peusiap dan geu yu peurhati. Seubab aneuk muda nakeuh nyang akan pimpin bansa dan umat bak generasi ukeu. Dan nyan sabe-sabe haroih meunan. Han jeut meutheun.
Lam orasi nyan, deuh ju that seumangat, ceubeuh luar biasa dari Tgk Imran bak geupeugah haba. geupeugah,"RTA nyoe ka dua ploh thon, dan teutap seubago ormas. hana ji seuk meu si senti pih dari meukeusud guree-guree awai watee geu bentuk jameun lam thon 1999." Kheuh Tgk Imran.
"Seuluroh ubee na masyarakat Aceh beuna perhatian peunoh keu pembinaan pemuda Aceh" Langsong takbir lheuh nyan, dan ji sambot Allahuakbar le ureung lam ruangan.
"Beu adee keu santri. Bek sampe watee na acara aneuk muda nyang get, na jawaban bak ureung Aceh, hana peurlee that, meu aneuk muda. Nyoe ajaran nabi." Meuapui geupeugah haba Tgk Imran kiraju.
"Seuluroh ubee na masyarakat Aceh beuna perhatian peunoh keu pembinaan pemuda Aceh" Langsong takbir lheuh nyan, dan ji sambot Allahuakbar le ureung lam ruangan.
"Beu adee keu santri. Bek sampe watee na acara aneuk muda nyang get, na jawaban bak ureung Aceh, hana peurlee that, meu aneuk muda. Nyoe ajaran nabi." Meuapui geupeugah haba Tgk Imran kiraju.
Geupeugah lom, "Pak Plt Gubernur, watee kamoe jak lakee audiensi, langsong geu tem, peugot janji poh 8, poh 10 langosng geu meureumpok. Dan langsong geuteurimong kamoe RTA deungon sambotan nyang hangat." Nyoe keu bukti, RTA nyoe na yum bak pemerintah.
Teuman harapan dari Tgk Imran seulaku ketua RTA, "Adak meujeut, ukeu bek meumada 50 droe nyang jeut di fasilitasi le pemerintah, dalam hal urusan aneuk muda lagee RTA. Tapi beu na 500 droe ju ci si go, pakon han." Seubab lagee haba bunoe, aneuk muda nyoe keuh nyang eunteuk akan teruskan estafet kepemimpinan di nanggroe mulia nyoe.
Haba Tgk Imran Abubakar lam bahsa Indoneh, bacut sagai lam bahsa Aceh. Teuman seubab nasajaberita.com nyoe berita lam bahsa Aceh, ya mandum suah ta peu Aceh. Meudum haba Prabowo pih lam bahsa Aceh, haba Donald Trump pih meunan sit. na lagoe awai Apa peu ek.
0 Response to "Meuapui! Rais 'Am PB RTA: Neubina dan Neupeurhati Aneuk Muda!"
Post a Comment