Masyarakat Aceh: Hoe Ka Wali Nanggroe, Pakon Hana Sue Sagai?
Nasaja Berita - Banda Aceh, Dum nan brat ka demo lam padum uroe nyoe di kanto Gubernur Banda Aceh, dan di Beutong Ateuh dari Nagan Raya pih ka mulai tron bak jalan. Geumat spanduk untuk lakee izin tambang PT.EMM nyan dicabot le pemerintah Aceh.
Apa na sit meujak kalon baroe uroe demo bak kanto Gubenur. Sampe inoehat Pak Plt Gubernur, Nova Iriansyah, hana meupat pong lom. Na nyang peugah di Medan, na nyang peugah di takengon, na nyang peugah di Hermes Hotel. Aleh toh nyang beutoi, hana meuphom sit. Hana roh meupasang alat pelacak bak kupiah pak Plt. Adak meudeh mangat ta lacak, lagee lam phelem Jacky Chan.
Seubab hana tanggapan sapu lom seucara langosng teurhadap pendemo, maka kalinyoe ka na nyang tanyong, "Hoe ka Wali Nanggroe?"
teumasuk salah sidroe jih Haekal Afifa nyang merupakan Ketua Institut Peradaban Aceh dan seukaligus Sekjen Sadar atawa Solidaritas Aktivis Dayah untuk Rakyat.
Haekal Afifa geuharap nyan Wali Nanggroe dan ketua DPRA beu geumeusue, geumeureumpok sit deungon mahasiswa nyang teungoh demo, bah pih nyang tujuan awak demo meureumpok Pak Nova nyang sampe inoehat uroe hana meupat lom. Meunan Apa baca bak Liputan Aceh.
Seubab meunyoe hana ya rugo lah tanyoe udep lam neugara demokrasi meunyoe aspirasi Mahasiswa dan rakyat hana geutem deungo dan geusambot le petinggi naggroe Aceh.
Bahkan leubeh nibak nyan, le masyarakat nyang tanyong bak pefsbuk. "Hoe ka Wali Nanggroe, pakon hana sue sagai, jeh aneuk mahasiswa demo." Ka kon meunan tulesan, nyang meukeusud statuih pesbuk ureung nyan lagee nyan.
Nyan poto ata bak gugel Apa cok, dari Acehsatu.com, neu peu idin Apa cok poto beh.
0 Response to "Masyarakat Aceh: Hoe Ka Wali Nanggroe, Pakon Hana Sue Sagai?"
Post a Comment