Mahasiswa Bentrok Ngön Peulisi, Meudarah-darah. Pak Nova di Bener Meriah
Nasaja Berita – Banda Aceh, That reman mahasuwa Aceh, mahasuwa nyan meunyoe ureung Aceh di gampong seureng meunan geukheun, susah that geukheun mahasiswa. Bunoe uroe (Selasa 9/4) watee ji demo kanto Gubernur, na seumpat bentrok ngön peulisi.
Na nyang kirem poto bak Apa nyang bahwa salah sidroe mahasuwa deungön bajee jas almamater wareuna biru ka meudarah ulee. Bak talak meulabo darah neukiraju. Aleh ngön pu keunöng pig hana Apa teupu lom.
Bahkan bunoe sampe ji lhat seupanduk wareuna puteh meutuleh ngön cet mirah, "Kantor Gubernur Telah Disegel". Teuman telah disinan kön makna jih teulah lam bahsa Aceh, meunyesai. Tapi makna jih ka. Ka disegel.
Teuman pakön disegel, seubab jih hana Pak Nova di kanto. Pak Nova seulaku Plt. Gubernur Aceh saat nyoe teungöh di Bener Meriah, jak ziarah bak kuburan. Sang meunyoe hana salah, bak komplek kuburan Teungku Ilyas Leube, atawa Teungku Liyah Leubee, meunan bak inseutagram Pak Nova @novairiansyah.
Nyan keuh meunan ilee info saat nyoe, asai ka na berita baro, Apa apdet teuma keulayi eunteuk. Nasaja kiraju. Pak Gubernur baroe jisegel le KPK, kanto Gubernur jisegel le mahasuwa.
0 Response to "Mahasiswa Bentrok Ngön Peulisi, Meudarah-darah. Pak Nova di Bener Meriah"
Post a Comment