Lomba Cipta Menu Pangan (B2SA), Pante Piyeu Juara 1, Meunasah Dayah Meuteume Juara Harapan 1
Nasaja Berita – Bireuen, Hayeu-hayeu that ibuk PKK di gampong-gampong nyang na di kecamatan Peusangan rupajih. jeut geuolah makanan nyang hana pakek teupong terigu atawa teupong gandom. sang nyoe teupong gandom bahsa Aceh tepung terigu, meunyoe kon kakeuh teupong breuh biet. Hana got meuphom sit Apa, Da Mulah nyang meupu nan-nan teupong. That na teuh.
Jadi lomba nyan geu adakan le pihak keucamatan bak Balai Desa kanto camat. na seukitaran 63 boh gampong ikot, jadi jih na 63 peserta PKK. Cuma 4 boh gampong nyang hana ikot. Jatah na 69 boh PKK di Peusangan.
Nan lomba jih Lomba Cipta Menu Pangan Beragam, Bergizi dan Seimbang dan Aman (B2SA), deungon syarat hanjeut pakek breuh dan teupong nyan. Pakek pu laen keu bahan.
Lomba ka dari uroe nyan ka, lhee uroe geupeugot, mulai tanggai 26 sampe 28 buleun Maret 2019. Meunan geupeugah le Bu Ida Arini seulaku ketua TP PKK di Kecamatan peusangan. Seudangkan pengumuman baro uroe Seulanyan tanggai 8 buleun 4 baroesa.
PKK Gampong Pante Piyeu nyan jeut keu juara kalinyoe. Na neutupat gampong Pante Piyeu? jalan jangka nyan neujak teupat ju, seukitaran 3 atawa 4 kilo u arah baroh. Teumn hana Apa teupu sit pu menu geu peugot sehingga juara. Nyang pasti leubeh mangat dan lagak bak menu PKK gampong laen.
Lomba nyan geusebut le ibuk Ida tujuan jih, supaya masyarakat bek meugantung thaat bak breuh ngon teupong untuk peugot kueh atawa magun makanan.
Pak camat Peusangan, Pak Erry Seprinaldi, S.STP., S.Sos., M.Si, geu apresiasi that keu lomba nyan. Dari panitia sampe ubee na perangkat gampong ngon pesert mandum geuseubot geu apresiasi.
Seudangkan juara dua lheuh keu Gampong Keude Matangglumpangdua dan juara lhee, Gampong Pante Gajah.
Juara harapan 1 keu Gampong Meunasah Dayah, gampong Nek Apa sinan. Nyan thon ukeu beu juara Sa beh ibuk PKK. Pu na payah Apa kirem Da Mulah keu teunaga magun, mangat juara. Da Mulah leupah hayeu geu magun. Dum pu jeut geu peulaku, boh manok dadar, sang-sang sit Pizza dari Italia bak lidah teuh neukiraju.
Harapan 2 dan 3 ji teume keu Gampong Pulo Ue Baro dan Gampong Mata Mamplam. Meunan Apa baca bak Kabarbireuen.com ata geutuleh le Bang Herman Suesilo.
0 Response to "Lomba Cipta Menu Pangan (B2SA), Pante Piyeu Juara 1, Meunasah Dayah Meuteume Juara Harapan 1"
Post a Comment