Kagura! Baroesa Lam Koran, Ulama Aceh Dukong Prabowo Sandi, Rupajih Ka Kön Meunan
Nasaja Berita – Banda Aceh,Nyan neu kön kiban peulitek di nanggroe teuh. Laen asoe mufakat, laen meutuleh lam koran, laen bhaih troh bak masyarakat. Teuman kön keubiet nyoe that ji meualat.
Uroe nyoe ka geuklarifikasi le Abu Tu Blang Blahdeh nyang bahwa ulama Aceh hana kontrak peulitek dukong Prabowo, nyang tapi nyan perjanjian kontrak meunyoe Prabowo meunang singöh, maka ulama Aceh nyan tuntutan keu Presiden Prabowo.
"Nyan nota kesepahaman nyang ulon tanda tangan, kön seubagai dukungan keu Capres Prabowo." Kheun Abu Tu bak wartawan.
"Si gö teuk ulon sampaikan, nyan kön bentuk dukungan, tapi harapan kamoe ulama dan masyarakat Aceh, meunyoe Prabowo terpilih dan meunang. Bek salah meukeusut." Sambong Abu Tumin.
Seulaen nibak nyan, Abu Tu cukop that geusayang seubab asoe surat nyang ka neuteken deungön nyang ka ji beritakan seulama nyoe hana sesua deungön fakta.
Dan Abu na sit geu ceuköt nyang bahwa Abu sayang geukalön Pak Presiden Jokowi nyang teuga that ji fitnah macam-macam deungön hoax. Teuman hana Apa tuleh le sinoe. Neu baca bak korankita.info jeut, bak rimbaraya jeut, bak liputanaceh pih jeut.
E meunyoe han neupateh keu media, teumakot neuh keunöng peungeut, neu hubungi ju guree nyang na di dayah sideh. Lom pih Blang Blahdeh nyan toe nyoepat. Neujak tabayun keudroe.
Saboh nyang pasti, Apa hana seumulet. Tuleh berita lagee na. Nyoe berita, kön Apa jak bela pulan-pulen, bek troh keunan suah Apa peuingat. Nyoe cuma ta peuteupat haba ulama nyang ka ji puta keusana keumari, meunyoe kheun Apa Lahu lam lagu takile wale-wale. Nasaja kiraju.
0 Response to "Kagura! Baroesa Lam Koran, Ulama Aceh Dukong Prabowo Sandi, Rupajih Ka Kön Meunan"
Post a Comment