Ka Awai Na Acara, Menteri Agama Hana Jadeh Jipareksa Le KPK
Nasaja Berita - Jakarta, Gara-gara ji drop ketua umum partai PPP Romahurmuzy atawa Romy lam padum buleun u likot le KPK, Pak LUkman seulaku Menteri Agama meukumat kasus sit keunan.
Baroe tanggai 24/4 uroe Rabu, jatah droe Pak Lukma Hakim keunong pareksa bak KPK. Teuman na alasan ka awai na agenda keugiatan hoe laen. Keugiatan neugara sit, meunyangkot tugaih seulaku menteri agama.
"Pak Lukman Hakim, na jadwal u Jawa Barat, untuk peugah hai masalah calon jama'ah haji. Pu lom na info meutamah kuota jama'ah kalinyoe, dan surat KPK teulat troh, baroe supot. Seudangkan ka awai jatah jadwal dan agenda keudeh. Dan sideh pun peukara nyang mustahak." Meunan geusampaikan le Kepala Biro Humas Menteri Agama Pak Mastuki.
Seudangkan Bang Febri Diansyah seulaku awak KPK peugah, rencana KPK jak pareksa Pak Menteri Lukman Hakim nyan seubagai saksi kasus Romy.
Seulaen nibak nyan, watee lheuh ji drop Romy uroe nyan, na jisita peng lam ruang kanto Menteri Agama seukitaran Rp 180 juta dan USD30.000.
Nyan neukalon, lheuh na peng rupiah na peng dollar Amerika lom. Peng awak nanggroe Si Donald Trump. Teuman meunyoe keu ta tamah mandua nyan, suah Apa tanyoeng bak Abu West ilee, seulaku ureung nanggroe teuh nyang ka tinggai dan ka na KTP Amerika. Nasaja kiraju.
Nyan poto ata bak CNNIndonesia, meunyoe berita bak Sindonews, nyang kalheuh geubantu rawi bak Klikkabar nyang jujur mengabarkan.
Nyan poto ata bak CNNIndonesia, meunyoe berita bak Sindonews, nyang kalheuh geubantu rawi bak Klikkabar nyang jujur mengabarkan.
0 Response to "Ka Awai Na Acara, Menteri Agama Hana Jadeh Jipareksa Le KPK"
Post a Comment