Hayeu That Bireuen, Saboh Paket Pileh Caleg 300-500 Ribe
Nasaja Berita – Bireuen, Asai ka toe pemilu, pu keuh pileh Bupati, Walikota, Gubernur, sampe awak Dewan, sit nasaja awak meukat suara neukiraju. Meunyoe baroekön meumada ngön breuh si aree, saka sikilo, minyeuk malinda si kilo. Ka abeh peukara. Meuhan ija krong, bajee partai si on.
Kalinyoe nyoe seulama minyeuk ka meuhai, saka ka ji ek, yum breuh pih gab that. Yum-yum suara ka ji ek sit lam-lam gampong. Han meumada le ngön bajee oblong brok nyan.
Di Bireuen meunurot info nyang Apa baca koran Serambi Indonesia bunoe beungöh, geupeugah na laporan lawet nyoe, saboh paket suara (dari DPRK, DPRA sampe DPRRI) na nyang yum jih 300ribe. Nyan mantöng murah, na nyang 500 ribee bahkan neukiraju. That can biet. Jok potokopi KTP, jak bak uroe H, top pulan pulen, cok peng 500, jak woe. Meunyoe na meu 5 teuh di rumoh nyang meunan, kop paih kiraju. Seip pajoh si buleun, 2 juta seuteungöh peng lam si uroe. That na teuh.
Meunyoe awai caleg, seucara pribadi nyang bagi-bagi meunan. Kalinyoe sit na partai. Partai Nasional ji tuleh sinan bak Serambi Indonesia. Tapi hana geutuleh pu nan partai. Memang bereh awak partai nasional neukiraju. Leubeh pangkai sang kalinyoe.
Nyang peugah na keujadian meunan Kak Destika Gilang Lestari, Presidium Nasional Koalisi Perempuan Indonesia.
Di awak Panwaslih Bireuen na ji bie tanggapan sit bhaih nyan. Geupeugah le ureung panwaslih nyan, meunyoe na keujadian meunan, geuyu lapor bak kamoe, ba saksi, me bukti-bukti. Teuman nyang ka ubee keujadian, laporan na, tapi watee geujak pareksa le awak panwaslih, saksi hana ji ngaku, bukti pih hana pat cok. Jadi kakeuh meunan.
Di Panwaslih nyang na jeut ji peulaku, peugah dan pakat ureung tuha gampong, untuk beusapu kheun sapu pakat, nyang nan jih bloe suara atawa politik uang nyan ta tulak, hareum lagee fatwa MPU nyang ka-ka u likot.
Meunyoe awai caleg, seucara pribadi nyang bagi-bagi meunan. Kalinyoe sit na partai. Partai Nasional ji tuleh sinan bak Serambi Indonesia. Tapi hana geutuleh pu nan partai. Memang bereh awak partai nasional neukiraju. Leubeh pangkai sang kalinyoe.
Nyang peugah na keujadian meunan Kak Destika Gilang Lestari, Presidium Nasional Koalisi Perempuan Indonesia.
Di awak Panwaslih Bireuen na ji bie tanggapan sit bhaih nyan. Geupeugah le ureung panwaslih nyan, meunyoe na keujadian meunan, geuyu lapor bak kamoe, ba saksi, me bukti-bukti. Teuman nyang ka ubee keujadian, laporan na, tapi watee geujak pareksa le awak panwaslih, saksi hana ji ngaku, bukti pih hana pat cok. Jadi kakeuh meunan.
Di Panwaslih nyang na jeut ji peulaku, peugah dan pakat ureung tuha gampong, untuk beusapu kheun sapu pakat, nyang nan jih bloe suara atawa politik uang nyan ta tulak, hareum lagee fatwa MPU nyang ka-ka u likot.
0 Response to "Hayeu That Bireuen, Saboh Paket Pileh Caleg 300-500 Ribe"
Post a Comment