Hayeu That Aneuk Dayah Waled Nu, Ngon Mata Teupet Jeut Ji Mengetik
Nasaja Berita - Samalanga, Keubiet leupah hayeu-hayeu ka aneuk dayah lawet nyoe. Dumpu lumpok seubab memang jinoe nah, hana beda le ilme aneuk sikula ngön aneuk jak beut bak dayah. Kön lagee jameun, asai ka jak bak dayah laju meudaleh keu han jeut pu laen bhaih donya, seubab bhaih donya urusan aneuk sikula. Lawet nyoe bak aneuk dayah, donya akhirat leupah ji peulaku kiraju.
Info nyang Apa teume dari Teungku Yusuf Aree nyang ganteng leupah na dan gagah peukasa seureuta suara meualon leubeh lagak nibak bang Haji Rhoma Irama, nibak dayah Ummul Ayman nyang geupimpin le Ulama kharismatik Waled Nu di Samalanga, na pelatihan komputer keu aneuk beut. Malam baroe, Uroe Lasa, malam Rabu (23/4) na 20 droe santri lam dayah nyang neujok setifikat Typing Ten Fingers le Waled Nu, dan 5 droe geutes beujeut mengetik 10 neuk aneuk jaroe.
Bek neupike mangat meungetik ngön 10 neuk aneuk jaroe. Nyang mangat sit 12 neuk aneuk jaroe. Siblah aneuk punyok blah uwie, siblah aneuk punyok blah uneun. Ka siblah-blah ka 12 blah watee ta jumlah kiraju.
Watee geutes nyan bahkan ji pet mata kiraju bak ji mengetik. Han salah pih. Di Apa dum leumah meukalön ngön mata ulee ji teume salah ketik. Tom roh keuneuk tuleh boh drien, roh meutuleh boh droen kiraju. Meunan sit watee na tom keuneuk tuleh "buk" roh meutuleh "bui" seubab toe-toe that huruh jih. Karap karu ngön syedara bak pesbuk, batee neuh.
Para santri nyan hana salah watee jiketik pu nyang geu dikte le. Neukalön keuh bak poto, tahö meunan Teungku nyan. Sang lam pikiran beliau nyan, "krak, leupah hayeu ji mengetik, paih ateuh bareh paih, bek takheun tinggai, salah tan kiraju." Sang meunan. Adak kön ta kiraju nyoe ju keudeh roh.
Bagi Waled Nu, aneuk dayah hanjeut ketinggalan zaman. Beu ek meusaeng deungön aneuk sikula bahkan sampe u manca neugara. Hanjut buta teknologi, meuhan ka abeh teuh ji peungeut teuh le gob. Nyan ban prinsip Waled bak neudidik para santri. "Menyekolahkan Santri" nyan motto dari Waled Nu. Aneuk beut bak dayah beutapeusikula, lam artian beucaröng sit lagee aneuk sikula.
Meunan Apa baca bak web dayah ummulayman. Ata geukirem le salah sidroe dewan guru nibak dayah Ummul Ayman, Teungku Yusuf Aree, S.Sos.
Para santri nyan hana salah watee jiketik pu nyang geu dikte le. Neukalön keuh bak poto, tahö meunan Teungku nyan. Sang lam pikiran beliau nyan, "krak, leupah hayeu ji mengetik, paih ateuh bareh paih, bek takheun tinggai, salah tan kiraju." Sang meunan. Adak kön ta kiraju nyoe ju keudeh roh.
Bagi Waled Nu, aneuk dayah hanjeut ketinggalan zaman. Beu ek meusaeng deungön aneuk sikula bahkan sampe u manca neugara. Hanjut buta teknologi, meuhan ka abeh teuh ji peungeut teuh le gob. Nyan ban prinsip Waled bak neudidik para santri. "Menyekolahkan Santri" nyan motto dari Waled Nu. Aneuk beut bak dayah beutapeusikula, lam artian beucaröng sit lagee aneuk sikula.
Meunan Apa baca bak web dayah ummulayman. Ata geukirem le salah sidroe dewan guru nibak dayah Ummul Ayman, Teungku Yusuf Aree, S.Sos.
0 Response to "Hayeu That Aneuk Dayah Waled Nu, Ngon Mata Teupet Jeut Ji Mengetik"
Post a Comment