Bang Wandi: Hawa Lon Woe u Aceh, Jak Saweu Mak Ka Tuha
Nasaja Berita – Jakarta, Irwandi Yusuf atawa Bang Wandi lam sidang uroe Seulanyan (2/4) baroe di pengadilan sideh di Jakarta geusampaikan hawa that keuneuk woe u Aceh. Pu lom Mak geuh ka tuha, hawa keuneuk saweu ureung chiek.
Baroe lam sidang nyan geupeunan sidang pledoi. Meuphom jih nyang bahwa lakee keringanan atawa bandeng lah dari tuntutan jaksa.
Seubab siminggu ka u likot, JPU atawa Jaksa Penuntut Umum dari KPK ka lheuh ji tuntuk bak Hakim nyang pimpin sidang, supaya Bang Wandi keunöng hukom 10 thon penjara, tamah denda aleh padum reutoh juta ,lheuh nyan hak peulitek Bang Wandi pih dicabot lam limong thon ukeu.
Meunyoe jadeh dicabot, kakeuh otomatieh ju Pak Nova jeut keu Gubernur Aceh sampe 2022 eunteuk meunyoe na umu panyang.
Oh nyoe hai, karap tuwö, apa baca berita bak Klikkabar.com, Dan nyan poto ngön Kak Dar watee baroesa jeh, geujak intat makanan bacut keu teungku geuh.
Tapi nyan mantöng tuntutan, hana lom geuputuskan le hakim. Jadi baroe sidang pledoi phon. Meunurot info na meu 500 on halaman berkas pledoi nyan. Aleh ek abeh geubaca mandum le hakim pih hom. Na can abeh umue bak baca nyan sang meunyoe dari huruh bak halaman phon geubaca sampe abeh huruh halaman seuneulheuh, that na teuh.
Baroe Bang Wandi geusampaikan bak Hakim nyang bahwa tuntutan Jaksa nyan brat that, han ji tamöng akai. Seubab bukti dan saksi lam pengadilan rap mandum ji peugah hana meucaruh Bang Wandi keunan lam kasus korupsi DOKA atawa Dana Otonomi Khusus Aceh nyan.
"Pak Hakim, pu nyang jituntut le jaksa nyan, hana dasar. Seubab bukti lam persidangan nyang lon ajukan hana meunan." Kheun Bang Wandi kiraju. Jadi pakön ek lagee nyan? Hom sit Apa hana meuphom. Kakeuh ta preh berita baro lom eunteuk. Ka meumada 'oh no ile siat. Na ureung meuninggai syedara Da Mulah peut uroe u likot, suah jak bantu ilee, eunteuk malam na geumeukhanduri bacut, na samadiyah di rumoh. Ka ilee beh. Nasaja kiraju.
0 Response to "Bang Wandi: Hawa Lon Woe u Aceh, Jak Saweu Mak Ka Tuha"
Post a Comment