Bak Jak Let Bui Lam Uteun, Ka Roh Meutimbak Ureung Ngön Beudee SS1
Nasaja Berita - Banda Aceh, Nyan neukalon kiban keuh naseb meunyoe ka maw'ot. Jak saban-saban deungon niet keuneuk jak let bui supaya bek abeh jiganggu tanaman lam lampoh dan glee, sinan troh ajai, ureung jak let nyang matee.
Meunurot info nyang Apa baca bak Beritakini ata geutuleh le bang A. Putra, keujadian jih Seulanyan baroe (29/4 di kawasan Indrapuri, teupat jih Gampong Lamlung, Aceh Rayek.
Nyang jeut keu korban salah timbak nakeuh bang Samsul Bahri, umue ka 50 kira-kira. Keunong timbak ngon beude SS1, ata nyang biasa ji mat le Brimob jameun masa konflik di Aceh.
Bang Samsul almarhum geujak let bui deungon rakan-rakan laen. Beude sikrak, laen leumbeng geu na keu tombak jak top bui. Teuman beude nyan ji mat le Niful Khalis na umu ka 33 thon.
Bak teungoh meu lume dan meulet bui nyan, Khalis ji peulheuh aneuk beudee 3 neuk. Lheuh nyan geujak teuk Bang Samsul lam uteun nyan, geujak kalon pu na keunong atawa hana. Meunan geuteubiet Bang Samsul, teukeujot Khalis, meujitimbak teuk. Thum, keunong Bang Samsul. Paih bak dada blah uwie, toe-toe jantong siangen.
Meunan geukonfirmasi berita bak Kasatreskrim Polres Aceh Rayek, Iptu Yoga Panji Prayoga. Dan beude nyan teungoh jiselidiki le peulisi jinoe.
Beude ka bak peulisi, seubab ka jijak peulisi u gampong, jirayu meulalui ureung tuha gampong supaya ji pulang beude bak peulisi. Kondisi beude lagak that mantöng, teuman lumboi seri sagai ka geugrenda, jadi hana leumah dan hana meudum le.
Lagee nyoe beude SS1 nyan, lagee awak Brimob mat jameun. Apa na tom meu mat masa karu jameun.
Beude ka bak peulisi, seubab ka jijak peulisi u gampong, jirayu meulalui ureung tuha gampong supaya ji pulang beude bak peulisi. Kondisi beude lagak that mantöng, teuman lumboi seri sagai ka geugrenda, jadi hana leumah dan hana meudum le.
Lagee nyoe beude SS1 nyan, lagee awak Brimob mat jameun. Apa na tom meu mat masa karu jameun.
Oh nyo hai, nyan poto bak gugel ata Apa cok pu nyang paih ju. Seubab hana poto asli.
0 Response to "Bak Jak Let Bui Lam Uteun, Ka Roh Meutimbak Ureung Ngön Beudee SS1"
Post a Comment