Allahu Rabbi, 7 Thon Ji Vonis Peunjara Keu Bang Wandi

Nasaja Berita - Jakarta, Ujong calitra baroe hana jadeh ji thok palee keu kasus Bang Wandi atawa Irwandi Yusuf, Gubernur Aceh lam poh siploh ata leuho uroe. Keunoe keudeh lheuh isa baro ji thok pale. Sayang teuh keu Bang Wandi ngon pendukung bak majeulih sidang pengadilan neukiraju. JI teume meukuwah bak geupreh jadwal sidang.

Teuman leubeh bak nyan, lheuh dum nan trep geu preh, watee ka ji thok pale, ji dong vonis, 7 thon keu Bang Wandi, hana pat weuk tamah le geupeugah le Hakim. Hana cara sagai.

Han meumada ngon 7 thon hukom peunjara ji cabot hak peulitek lom 3 thon, Bang Wandi hana jeut meupeulitek seulama 3 thon kalinyoe. Teuman kon keubiet kureusi gubernur ka suah peujok bak Pak Nova Iriansyah, meunan sit deungon kureusi ketua Partai PNA. Abeh ji peulaku Bang Wandi le Hakim neukiraju. Teuman pu keuh hakim nyan na adee watee ji thok pale vonis, nyan jawaban beda-beda bak ureung dum.

Meuseu lagee Kak Dar atawa Buk Darwai A. Gani nyang seulaku peurumoh dari Bang Wandi geupeugah hana ade sagai, akan geulawan ketidak adilan nyoa. Meunan Apa kalon bak inseutagram kak Dar.

Meunan sit deungon haba dari ureung PNA, teurutama Tiyong atawa Samsul Bahri, seulaku Ketua Harian Partai PNA, geupeugah ju, Hakim hana adee. Seubab jeulaih that seulama sidang, Bang Wandi hana roh lam kasus korupsi nyan. Fakta lam sidang, bang Wandi hana teurimong peng sogok, bak korupsi DOKA nyang ji tuntut le KPK.

Seulaen nyan, Bang Wandi pih ji denda 300 juta rupia le Hakim. Meunyoe untuk 300 juta nyan mudah lah bak geupike meunyoe tingkat ureung nyan. Teuman bak suah lop lam penjara dan dicabot hak peulitek, sinan leumoh Bang Wandi, Kak Dar ngon ureung PNA laen beuseurta pendukung Irwandi Yusuf. Teumasok Da Mulah. Beuklam ka geumeuadoh Da di rumoh nekiraju. Geupeugah weuh hat hatee Bang Wandi 7 thon ji theun lam penjara.

Da meurakan ngon Bang Wandi, meunyoe Apa cuma meuturi sagai meunan. Teuman nyang berita, ya ta tuleh lagee na. Nasaja kiraju.

Share this post