Ubeena Hadiah Keu "Dek Gam Boh Manok" Sumbang Keu Korban Christchurch
Nasaja Berita – Ostrali, Satnyoe ban Apa baca bak Nzherald.co.nz, koran nanggroe New Zealand lam bahsa Inggreh ji peugah ubee na hadiah keu Dek Gam Boh Manok Ostrali nyoe akan ji jok atawa ji donasikan keu korban penembakan le Terorih di Christchurch nanggroe Selandia Baru atawa New Zealand.
Meutuwah that si gam nyoe keubiet. Padahai umu baro 17 thon kiraju. Sadum ngön aneuk kumuen Apa. Teuman aneuk kumuen Apa keujih beu le ta jok peng, kön peng jih ji jok keu geutanyoe. That na teuh, boh-boh manok geutanyoe abeh ji croh mata sapi neukiraju. Padahai ta keubah keu poding uroe Hameh.
That ramee ureung peutaba hadiah keu si Will Connooly nyan, atawa Dek Gam Boh Manok Ostrali. Mulai dari band di Ostrali, sampe u Turki na awak hadiah keu jih.
Meunurot lheuh ji kira-kira karap 500juta rupiah neukiraju. 42.000 Dollar. Meunyoe ngön peng griek, ukuran lhee boh gunie sang. Patah keuing teuh bak ta angkot, pu lom meunyoe hana tom ta keurija brat. Laju ji see keuieng keudeh lam boh punggong. That na teuh.
Si Will Connooly nyan terkenal gara-gara ji phok boh manok bak ulee Senator Australia, meunyoe tanyoe kheun Ostrali, si Frasser Anning nyang that meuarakate, jak peugah nyan keujadian di Selandia Baru gara-gara ureung Islam. Padahai ureung Islam teungöh seumayang Jeumeu'at ji timbak le si terorih kaphee budok Brenton jeh.
Di donya si Will Connooly ka ji boh nan egg-boy, meunyoe lam bahsa Aceh, si gam boh manok Ostrali. That geupeh t'em. Nasaja kiraju.
0 Response to "Ubeena Hadiah Keu "Dek Gam Boh Manok" Sumbang Keu Korban Christchurch"
Post a Comment