Prabowo: Mangat Ta Meuprang Ngon Ta Meupeulitek di Indonesia
Nasaja Berita – Jakarta, Baroesa tanggai 27/2 bak acara temu masyarakat dan purnawirawan TNI/Polri, capres Indoneh lumboi 2, Pak Prabowo Subianto geupeugah hana syok geuh, hek that buet meupeulitek , terutama di Indoneh nyoe.
"Lon awai geupeurnoe cara meuprang, dan rupajih leubeh hek ta meupeulitek daripada ta meuprang, pu lom di Indoneh nyoe." Nyan ban kheun beliau nyan. Teuman makna jih kon ka saban lagee judul, leubeh mangat ta meuprang daripada ta meupeulitek. Meu Aceh siangen sang, lagee haba Teungku Kasem meukat ubat, ureung Aceh meunyoe lam prang han alo, ateuh meja baro asee ji peulangu. That na teuh.
Meunurot Prabowo, nyan seubab lam peulitek di Indoneh nyoe, seumulet nyan ka biasa. Ukuran dari limong blah droe politisi di Indoneh, namblah droe nyang sulet. Teuman kon hana cara. Sulet that sang awak Indoneh, han keumah sagai. Nasaja kiraju.
"Watee kamoe lam tentra awai meunyoe A geupeugah, A meupbuet. Meunyoe A meupubuet, A meupeugah. Pokok jih meunan-meunanlah. Meunan sit meunoe B han meutuka keu C." Meunanlah bahsa Prabowo nyang mudah ta meuphom le tanyoe Aceh.
Acara meureumpok ngon purnawirawan nyan untuk deklarasi dukong pasangan Prabowo Sandi untuk pilpres thon nyoe. Meunurot ji tuleh bak CNN nyan, ratusan ureung jak. Meunurot info, bak acara nyan baroesa na karu siangen. Seubab na troh massa nyang han ji teurimong troh Prabowo keunan bak awak nyan. Sampe-sampe peulisi suah timbak ticem ji peukeu u ateuh. Tapi ticm pih hana keunong, aleh pu nyang keunong lam awan sideh pih hom.
Nasaja kiraju. Hana meupu karu pih di awak nyan. Ka ijak kakeuh, nyang karu pu ilee. Lom pih Prabowo geujak meupeulitek keunan. Adak meu geujak meuprang hom lah. Ka ahli lam bideung nyan seubab masa di Kopassus awai.
Nyan Apa rawi berita bak CNN, poto pih ata bak CNN nyan, ubee raya watermark CNN. Seubab hana jurnalieh Apa sideh di Jawa lom neukiraju.
Pajan na wakil jurnal meunyo hana tamong peng
ReplyDelete