PM New Zealand: Nyan Buet Terorih Dajeu Paleh, Seudeh That Kamoe

Nasaja Berita – New Zealand, Perdana Menteri New Zealand kalinyoe keubiet weuh that hatee dan palak that-that. Hana tanggong-tanggong, langosng teroris geuk kheun le ibuk PM nyan. Jareung ta deungo awak kaphee kheun teroris keu kaphee, biasa keu ureung Iseulam bagah that terorih.

Lam konferensi pers ibu PM, Jacinda Ardern geupeugah "Seudeh that lon keuneuk sampaikan bak ureung droeneuh mandum malam nyoe poh 7 watee New Zealand. Na 40 droe ureung gadöh nyawöng gara-gara terorih paleh".

Meurie ju muka weuh meunan, tapi weuh gob nyan beungeh,. Seubab hana keujadian meunan-meunan lom di New Zealand.

"10 droe syahid lam Seumijid Linwood Avenue, 3 droe ji timbak di luwa seumijid." Geu sampaikan le ibuk PM nyan.

Sinoe neu klik neu baca: Dajeue Paleh, Ureung Seumayang Jeumeu'at Jitimbak di New Zealand

Teumpat keujadian jih di dua teumpat, bak kota Christchurch. "30 droe syahid di Seumijid Deans Avenue."

Geupeugah le ibuk nyan, na leubeh 20 droe teuk nyang jinoe dirawat bak rumoh saket, "Lheuh nyan na leubah 20 droe nyang teungöh dirawat bak rumoh saket Christchurch."

Bak ujong haba, han ek geu theun le, geu takat ju kata-kata nyang ka ta preh-preh le ureung tanyoe. "Keujadian nyoe jeulaih suah ta kheun TERORIS DAJEU". Kheuh ibuk Jacinda Ardern nyan.

"Ureung model nyan (terorih dajeu) suah geureutok punggong dari New Zealand, bahkan hana teumpat sinoe di donya (lam nuraka ju keudeh beubagah)". Keubiet gram geuh kalinyoe.

Wajar that bak Apa kira, seubab di New Zealand nyan, udep masyarakat aman that, hana meumandang keu agama. Asai na di New Zealand, mandum geujaga dan saling meuget, saleng meuhire, saboh na teuh disinan. Nyan ban neukiraju. Meunan Apa rawi haba ibu Perdana Mentri New Zealand, Jacinda Ardern dairi video. Video teungoh Apa yu edit bak aneuk kumuen ile lam bahsa Aceh.

Share this post