Makruf Amin Sabee Meuija Krong, Jokowi: Wajeb Sok Ija Kroeng Sibuleun Sigö
Nasaja Berita – Jakarta, Nyan neukalon di Pak Presiden Jokowi geupeugah meunyoe teupileh lom eunteuk jeut keu Presiden Indoneh, akan geu peuwajeb sok ija krong bak dinaih dan kanto-kanto pemerintah. "Paleng kureung si buleun sigo, meuhan 2 minggu sigo, eunteuk lah ta kalon lom kiban nyang paih" Geupeugah le Pak Jokowi watee geuhadiri acara Festival Sarung Indonesia, atawa Festival Ija Kroeng di Gelora Bung Karno uroe Aleuhad taggai 3/3 baroesa.
"Ija kroeng nyoe warisan budaya geutanyoe. Hana ji pakek bak nanggroe laen." Nyan ban geupeugah le Jokowi. Tapi sang na, di Burma atawa Myanmar na awak pakek ija kroeng Pak Jokowi ek. Teuman aleh na ijak u kanto ngon ija kroeng, Apa hana meuteupu sit, hana tom leupah keudeh lom.
Pu lom ija kroeng nyan jinoe ka serueng leumah adak lam tiphi. Kiyai Makruf Amin seulaku calon Waki Presiden sajan Jokowi eunteuk sabee geusok ija kroeng hoe nyang geujak. Bak-bak acara debat baroesa. Ateuh panggong debat, lam tiphi ngon ija kroeng.
Kiyai Makruf Amin meunurot nyang ka tom geupeugah-peugah, meunyoe singoh teupileh jeut keu waki presiden teutap akan meu sok ija kroeng sit.
Adak Jokowi pih seureng sit geu sok ija kroeng. Na padum-padum go ta kalon bak tiphi. Pu lom meunyoe acara-acara NU nyan sit ngon ija kroeng sureung that. Ka hana sabe-sabe, pokok jih seureng.
Apa rawi berita nyoe dari CNN Indonesia. Meunyoe han neupateh neu kalon keudroe sideh, Atawa neubaca bak Beritakini jeut sit, seubab ureung nyan na geukutip berita nyan dari CNNIndonesia, nyan poto pih ata CNN.
0 Response to "Makruf Amin Sabee Meuija Krong, Jokowi: Wajeb Sok Ija Kroeng Sibuleun Sigö"
Post a Comment