Mahfud MD: Hana Daya Pak Lukman, Ji 'Geurtak' Le Parpol
Nasaja Berita – Jakarta, Jadi nyang phon that meukeueuk Apa peugah, nyang bahwa geurtak sinan makna jih lam bahsa Inggreh nyang ka jipeu Indoneh adalah Intervensi, hek Apa mita lam bahsa Aceh hana meupu lom. Kakeuh meutuleh ju geurtak, kadang meuhi jiwoe meukeusud dan makna keunan.
Nyan keuh meunan geupeugah le Pak Mahfud MD, seulaku mantal Keutua Mahkamah Konstitusi neugara Indoneh. Hai sampe-sampe na keujadian, awak parpol ji teujeut dhot menteri agama, untuk yu gantoe jabatan kepala dinaih atawa keupala-keupala laen meunyoe kon ureung partai. Troh bak ayat nyan neukiraju. Bahkan pak mentri pih ji peucat, meunyoe hana geudeungo haba partai.
"Lon kalheuh sit meupeuingat Pak Lukman teuntang nyoe." Kheun Prof Mahfud bak acara Primetime News, CNNIndonesiaTV
"Kon cuma menteri agama, ada menteri-menteri laen nyang dari partai politik pih lagee nyan sit dum. Teuga-teuga that awak nyan, kha neukiraju." Meunan Prof Mahfud peugah, meunyoe ka ta terjemah lam basa Aceh, nyang mudah ta meuphom.
Pak Lukman Hakim seulaku menteri Agama ka meukarat lawet nyoe, lheuh ji drop si Rommy le KPK baroesa. Gara-gara bhah meukat jabatan lam kemenag. That geupap dum,
"Bak lon na dum dokumen bhah nyan, seip that ifo. Teuman eunteuk lah ta buka saboh-saboh." Nyan bah haba Pak Mahfud.
Nasaja kiraju, troh bak menteri ji teujeut geurtak atawa intervensi. Sampe-sampe hana daya, leumoh. Nyan keuh meunan peulitek, meukat jasa, lheuh nyan meu ji peubudak teuh teuk. Nyoe kon keu pak Menag, tapi le ta kalon meunan. Uroe nyoe ji peu pangkai teuh, lusa, pangkai-pangkai tanyoe ji pajoh keu awak nyan. That geu soh min dih.
0 Response to "Mahfud MD: Hana Daya Pak Lukman, Ji 'Geurtak' Le Parpol"
Post a Comment