Mahasiswa Ngon Pemuda Aceh: Beuna Bahsa Aceh Bak Bandara SIM, Bek Ji Teumee Punah
Nasaja Berita – Banda Aceh, Nyan ban hai rakoh. Na neukalon kiban ka seumangat aneuk bansa Aceh lam buet jaga bahsa Aceh? Kalinyoe mahasiswa dan pemuda Aceh nyang teugabong lam Komite Mahasiswa dan Pemuda Aceh Nusantara atawa KMPAN ijak surati, surati nyan kirem surat, keu pihak Bandara Sultan Iskandar Muda, Blang Bintang, Aceh Rayek.
Masak bak Bandara Aceh hana bahsa Aceh meu sikrek pih, nyan pih lucu neukiraju. Seubeutoi jih kon cuma bak Bandara, meu bak kanto gubernur pih kureung that bahsa Aceh. Kadang meu bak Majelis Adat Aceh atawa MAA dan Wali Nanggroe pih leubeh le ureung mariet lam bahsa Indoneh daripada bahsa Aceh.
Sit ka meunan kiban ta peugot teuman, bak kanto resmi Negara Kesatuan Republik Indonesia, ya mariet lam bahsa Indoneh. Bah pih kanto nyan na di Aceh. Bahsa Aceh baro na, lam blang, lam glee da bek keudee kupi. Meunyoe bak cafe-cafe, bahsa Indoneh apa lu qe, palak li, entah apa entah nyang seureng ta deungo. Meunyoe bak daftar menu, sit lam bahsa inggreh dum. Ukuran meunyoe teh dingin, yum limong ribee, watee ji tuleh ice tea ka jeut ke lapan ribee.
Boh ka, jadi nyang Apa keuneuk peugah, Apa seunang that ka leumah mahasiswa ngon aneuk muda nyang na ide lagee nyan. Lagee Apa peuphon tuleh berita lam bahsa Aceh, jinoe ka na portal berita nyang baroekon lam bahsa Indoneh, ka na rubrik bahsa Aceh sit.
Ide untuk beu na bahsa Aceh nyoe dari KMPAN, meunan geusampaikan le Fadhili Espece seulaku sekjen KMPAN. Meunurot Teungku Fadhli nyan, meunyoe hana ta peu galak bahsa Aceh, trep-trep punah bahsa Aceh nyoe. Jadi bak Bandara, beuna bahsa Aceh, pu lom bandara keuh jeut keu geurbang ureung luwa tamong u Aceh.
"Surat ka lheuh ta peutrok bak pihak Bandara, tembusan keudeh u kanto Gubernur, DPRA dan MAA" Kheun Teungku Fadhli nyan. Teuman Apa tanyoeng bacut, nyan Ketua MAA ka geuganto le Plt jeut keu Plt. na neuteupu ka, sampe icaih ketua MAA Sabang, geupeugah Pak Plt. Gubernur Nova Iriansyah salah jeip ubat. Meunyoe hana sinoe neu klik neu baca berita.
"Seulaen bahsa Aceh bak banda SIM, bahsa daerah laen lagee bahsa Gayo di Bandara Rembele, bahsa Singkel di bandara Hamzah Fansuri, bahsa Simeulue di bandara Lasikin, beu na sit. Meunan sit bak bandara laen-laen." Meunan geupeugah. Nyoepat surat nyang ka geu kirem
Nyan bak status pesbuk na geutuleh, bak klikkabar.com pih na ji muat., Klikkabar nyan jujur mengabarkan. Jadi hana ragu teuh ta cok berita sinan. Nasaja kiraju. Lanjutkan aneuk muda dan mahasiswa. Urusan tuleh berita lam bahsa Aceh, ka na Apa Raban neukiraju.
0 Response to "Mahasiswa Ngon Pemuda Aceh: Beuna Bahsa Aceh Bak Bandara SIM, Bek Ji Teumee Punah"
Post a Comment