Lheuh Di Selandia Baru, Ka Ji Teumimbak Di Belanda. Awak Turki Tersangka
Nasaja Berita – Belanda, Nibak uroe Seulanyan 18/3 baroe watee Belanda , na sidroe ureung ba budee ji teuminbak meukeupoi lam Trans atawa menyoe lam bahsa geutanyoe Keurita Apui. Nyan keujadian di Gampong Utrecht, Belanda.
That geu soh min dih kiraju, baro baroesa ta kalon keujadian lam hape sideh di New Zealand atawa Selandia Baru ji teumimbak am seumijid le kaphee paleh, nyoe ka di Belanda teuman. Rata sagoe ka, nasaja kiraju.
Ji peugah le peulisi, "Nyoe pasti buet terorih. Hanjeut kon, mesti nyoe."
"Nyoe harus ta let, ta mita awak teumimbak beu meurempok, seubab lheuh ji teumimbak, ukuran puteh tapak ji plueng." Kheun peulisi nyan. Meunyoe tanyoe jameun, ukuran plueng ji let le asee pungo, hana ta thee keu putoh silop kiraju.
Badan kontraterorisme atawa meunyoe di Indoneh ikheuh Densus 88, teuman di Belanda aleh pu nan jih, lam bahsa Belanda, hanjeut teuh di geutanyoe. Seubab awak Belanda nyan kriet, lheuh ji jajah teuh jameun, meu bahsa han ji keubah neukiraju.
Status kondisi jinoe suah peu èk keu Status Darurat Terorih gara-gara keujadian di provinsi Utrecht. Utrecht nyan na di siblah tenggara Amsterdam. Meunyoe hana neu tupat, neu jak ju ikot jalan ikeun keudee kupi bak neuduek nyan, troh u krueng Manee neu wet uwie.
"Status kalinyoe ka tingkat tertinggi neukiraju, nyang biasa di pegah ngen siaga sa." Meunan khen kepala dinaih anti teror holand di ganto jih Amsterdam.
Wate karap mangreb baroe golom na meusidroe nyang ji drop. Tapih pulisi Utrecht di peugah bak radio awak nyan ji mita si Gokmen Tanis, 37 thon umue, lahe ji sideh di Turki. Keunan ji curiga seubagai pelaku le peulisi. Neukiraju abeh ji peulumah bak mandum kamera keamanan dan tiphi-tiphi lam kota nyan ji lhoh secara online gamba si Tanis.
Pulisi hana di tudoh bahwasajih si Tanis nyang teumimbak nyan, tapi nyang ji peugah lee pulisi bahwa si Tanis nyan "Meusangkot – Paot atawa Roh deungon insiden nyan". Lheuh nyan ji peu ingat mandum ureung sementara nyoe bek peu toe dile ngen si Tanis nyan menyoe pereule bek meudaleh-daleh. Nyan baroe, uroe nyoe ka tersangka beh. That geupap.
Nyan ban tulisan haba dari The New York Times nyang ka geuterjemah le Abu West lam bahsa Aceh di situs web bahsa Aceh nyang na di Amerika Serikat, HabaSinoSideh. Nyoe kalheuh Apa ubah lagee gaya Apa bak www.nasajaberita.com
0 Response to "Lheuh Di Selandia Baru, Ka Ji Teumimbak Di Belanda. Awak Turki Tersangka"
Post a Comment