Kecewa Penonton Bak Festival Sate Matang. Hawa Sate, Suah Kap Aneuk Jaroe
Nasaja Berita – Bireuen, Bak ta deungo gah baroesa jeh sang, ureung seukitaran Matang dan Bireuen jak poh-poh droe ngon sate uroe Sabtu tanggai 30/3 baroe. Rupajih han seip barang neukiraju.
Na ureung gampong daerah Kecamatan Kuala han meuteume rasa sate pree kalinyoe. Padahai nyoe baro phon na festival sate matang. Meunurot info seuteungoh miliyar anggaran, atawa 500 juta rupiah. Meunan Apa baca bak AJNN ata geutuleh le Kak Sarina
"Watee lon jak jak lakee kupon bak panitia, ji peugah ka abeh kupon, seubab teulat troh." Icaih that bang nyan neukiraju.
"Ji peugah na kupon siribe leubeh, troh lon ka abeh. That gura neukiraju." Sambong gobnyan.
Festival Sate Matang kalinyoe geupeuget bak lapangan Galacticos Cot Gapu, Bireuen. Lampoh tanoh lapang ata pak Bupati Bireuen, Haji Saifannur, S.Sos.
Meunurot Kabid Sejarah dan Nilai Budaya dari Dinaih Budaya dan Pariwisata atawa Disbudpar Aceh, Irmayani Ibrahim sit memang jatah jih le kupon kalinyoe, siribe leubeh.
"Target tanyoe awai memang siribe leubeh kupon. Seip kalheuh ta hitong-hitong. Seubab maseng-maseng stand rak satee ji tanggong 60 boh porsi sate. Teuman na padum-padum boh stand rak sate nyang hana jadeh jak. Padai baroesa watee pakat, that brat semangat dum." Kheun beliau nyan.
Seulaen nyan, akan geu evaluasi keurija dan acara nyoe. "Nyoe jeut keu bahan evaluasi kamoe dan geutanyoe mandum. Ta usahakan ukeu teuma beu bereh lom, bek sampe na calitra kecewa penonton."
Nasaja kiraju, abeh keuceuwa ureung jak dum. Ka hana jadeh meuteume pajoh sate pre neukiraju. Alah hana geulungkop meja ngon rak sate dum. Meuhan na pu teuh lom. Neubaca bak AJNN ata Kak Sarina peu ek jeut sit, sideh geutuleh hawa keu sate suah kap aneuk jaroe, kon sate. That na teuh.
0 Response to "Kecewa Penonton Bak Festival Sate Matang. Hawa Sate, Suah Kap Aneuk Jaroe"
Post a Comment