Karap Panen, Hana Jadeh Raseuki, Si Hektar Ganja Ji Teume Le Peulisi
Nasaja Berita – Banda Aceh, That peudeh neukiraju keu peutani kalinyoe. Baro rhoh, ka hana jadeh panen wap ji koh bak. Meunan lah meunyoe ibarat peutani padee. Teuman nyoe kön ibarat, tapi i tunong.
Lagak that teumpat pula ganja di Aceh Barat daerah Montasik u ateuh keudeh, gampong Cot Sibate. Sibate sagai cot, hana that jioh. Na neu tudum sibate dum töh jioh? Meunyoe jinoe sikilomete. Jameun si batee geukheun le urueng tuha.
- Meunurot geutuleh le Teungku Fadhil bak uroe Rabu tanggai 6/3 baroe, seulaku na troh geujak u lampoh ganja nyan sajan peulisi Reserse Narkoba Polres Aceh Rayek, ateuh nan jurnalieh Klikkabar na luwah ganja meu si hektar. Luwah lah meunyoe ta bandeng ukuran lampoh geutanyoe. Asai bek neubandeng ngön HGU Prabowo, pu lom HGU Erik Tohir, ukuran ji teume abeh minyeuk urot GPU saboh pak bak ta urot gateh meunyoe ta jak sipat, nyan dum luwah neukiraju.
Bak klikkabar ata geutuleh le Teungku Muhammad Fadhil nyan, ji peugah le peulisi nyan bak ganja nyan golom jeut panen. Mantöng muda, mantöng kiree meunyoe pisang, keu keuripike han paih, keu bada pih golom lumpok. Sangkira ji seulamay meu dua minggu teuk, jeut keu peng kiraju. Keu toke jeut keu peng, keu aneuk bansa teuh jeut keu racon, mabok mansaboh generasi. That phak ka.
Peulisi teume info dari warga bahwa daerah nyan na lampoh ganja. Teuman ka lam si minggu nyoe ka ji luem-luem le peulisi, ji keuneuk kalön teh poe jih lampong nyan. Hana troh-troh ,kakeuh ji cok keusimpulan let troh bak ukheu lheuh nyan tet. Ukuran ji beudöh asap meunyoe ganja ka tho, ji teume mabok saboh kecamatan. Alah ganja udep ji töt. Han keuh mabok ureung-ureung tet.
Rupajih caröng awak pula ganja nyan, awai jih luem ngön ji luem le peulisi. Makajih hana ji teume lom sampe inoehat. Kalagee lam phelem karton jeh kön na, mie ngön tikoh bak gadoh ji meuluem-meuluem. Nasaja kiraju.
0 Response to "Karap Panen, Hana Jadeh Raseuki, Si Hektar Ganja Ji Teume Le Peulisi"
Post a Comment