Ka Rap Siribe On Keurtah Suara di Aceh Barat Rusak
Nasaja Berita – Aceh Barat, Kiban cara ile, meutacobloih hana lom, surat suara abeh bolong dum. Meunurot info dari AJNN.net nyang Apa baca beuklam, ata geutuleh le bang Darmansyah Muda, ka na nam reutoh on keurtah suara rusak. Nyan hana abeh lom meupareksa. Baroe tujoh ploh limong persen dari jumlah total. Bak sang na meu peut reutoh on teuk nyang rusak, mangat paih angka siribe ju, lagee yum parkir di keu ATM. Meunyoe parkir di Mesjid Raya han ji tueng siribe, suah jok on pangeran Antasari kiraju.
Geupeugah le Ketua KIP Aceh Barat, Pak Novian Nukman," Nyang ka na 600 on dari jumlah siat nyoe nyang ka ta pareksa dan ta lipat balek. Dari 481 ribe on keurtah suara. Kira-kira na meu 75 persen dari total 681.863 on keurtah suara nyang ji kirem keunoe u Aceh Barat."
"Na nyang rusak seubab teupriek, na nyang meurampot daweut watee ji print sang." Kheun Pak Novia nyan. Bak Apa kheun meurampot meunan, ka lagee meurampot ngon jen keudeh lam abeuk soh. That na teuh.
Teuman geupeugah le Pak Novian, nyang ka teungoh geupareksa nyan, keurtah suara DPRK, DPRA, DPR RI dan DPD Aceh. "Meunyoe keurtah suara untuk ppileh Presiden hana lom meupareksa, hana lom ta buka dan lipat balek." Nyan ban Pak Novian nyan sampaikan bak media. Kon bak Apa geupeugah, Apa mantong baca bak AJNN. That na teuh kiraju, bek neupike Apa rakan that ngon pak Novian nyan, hayeu that Apa meunyoe meunan. Hai hayeu sit ka hayeu neukiraju, hana dumnan hayeu, tapi leubeh bak nyan siangen. Bang Darmansyah Muda hayeu dumnan, Apa Raban tuha, ya leubeh hayeu lah, kiban ek cocok?
Nyan haba nyan bak uroe Seulanyan tanggai 11/3 baroesa. Hai bak geutarget uroe Rabu tanggai 13/3 baroe ka seuleusai mandum sampe keurtah suara calon Presiden, lumbi 1 ngon lumboi 2 meusapat lam si on keurtah. Teuman nyoe ka uroe Hameh saree, hana Apa teume berita terapdet lom. Neu saba ilee beh dang-dang na berita laen.
"Jadi unteuk watee ka bereh mandum, ta peu ek laporan dan ta duk rapat ngon komisioner, ta sampaikan bak KIP Aceh ngon KPU Pusat sideh di Jakarta. Pu keuh ek jeut pakek meunyoe keunong tinta, atawa hana. ta preh haba ilee sideh." Nyan ban haba Pak Novian.
0 Response to "Ka Rap Siribe On Keurtah Suara di Aceh Barat Rusak"
Post a Comment