Ka Gura Pak Sayid Fadhil Geujak Gugat Pak Nova

Nasaja Berita – Banda Aceh, Nyan hai ka gura keubiet, lheuh meuganto Pak Sayid Fadhil baroesa dari kepala BPKS atawa Badan Pengusahaan Kawasan Perdagangan dan Pelabukan Bebas Sabang, kalinyoe ka geujak gugat Pak Nova Iriansyah seulaku Plt. Gubernur keudeh bak Pengadilan Tata Usaha Negara atawa PTUN Banda Aceh, uroe Seulanyan tanggai 4/3 baroe.

Meunurot Apa baca bak AJNN, Pak Sayid geuakui keudroe nyang bahwa kalheuh geujak daftar gugatan bak PTUN. "Beutoi, mengenai teknis jih kiban, nyan ka meuseurahkan bak pengacara atawa kuasa hukum lon." Meunan geupeugah le Pk Sayid.

Seugolom jih memang ka na masalah watee ji ganto buleun 2 baroesa. Dewan Kawasan Sabang atawa DKS kalheuh geupeuteubiet SK nyang ka geuteken le Pak Nova. Nyang bahwa Pak Sayid ganto ngön Pak Razuardi untk duek bak kureusi Kepala BPKS.

Meunurot info, Kuasa hukumbatawa Pengacara Pak Sayid Fadhil, Pak Bahadu Satri peugah memang kalheuh geudaftar barie uroe Seulanyan. Teuman han hai bacut nyang mantöng goh bereh lom.

"Nyoe kamoe kalheuh meudaftar gugatan uroe Seulanyan. Teuman na hai bacut nyang hana bereh lom seucara teknis. Jadi eunteuk uroe Jeumeu'at tanggai 9/3 meunyoe hana halangan sapu baro ji teurimöng le pihak pengadilan." Meunan geukonfirmasi bak awak AJNN.net. Berita nyoe geu tuleh le Bang Rahmat Fajri bak AJNN. Apa Raban urusan rawi lam bahsa Aceh gaya keude kupi sagai bak Nasaja Berita.

Pu atra teuman nyang geutuntut? Nyang inti jih SK pemberhentian dan ganto Kepala BPKS Sabang nyan beu geucabot. Seubab meunurot ureung nyan, cara meunan hana beutoi. Semena-mena that cara. "Masak cuma si gö sagai keunöng teguran, langsong geu peupiyoh dan ganto baro." Meunan kheun Pak Bahadur. Nasaja kiraju.

Share this post