Dajeue Paleh, Ureung Seumayang Jeumeu'at Jitimbak di New Zealand

Nasaja Berita – New Zealand, That meudajeue buet si kaplat arakate nyoe saboh neukiraju. Nyoe kalinyoe ka suah ta teumeunak sang. Han meu tatu'oh pih keuh.

Si Gam nyan aleh soe nan jih, ji Branton aleh pu, si kaphee kaplat laknat nyan, ji seungaja that buet jahee ji peulaku buet. Ureung lam seumijid di daerah Christchurch, Selandia Baru atawa New Zealand, keuneuk seumayang Jeumeu'at ji timbak ka lagee lam phelem prang.

Mulai dari bak babah röt seumijid ji hu beude, soe nyang meudiyeung di keu mata jih ji bren saja. Di geutanyoe tok keu jamok sagai na peukateun nyan, ngön raket liseutrep nyan ta hapit mansaboh kawan matee jamok. Di dajeue kaplat nyoe ureung seumayang ji timbak.

Nyang paleh meulapeh lom, bak ji lhat kamera bak ulee jih, ji live streaming neukiraju. Bangga keudeh. Sang abeh hayeu.

Sinoe neu klik neu baca: PM New Zealand: Nyan Buet Terorih Dajeu Paleh, Seudeh That Kamoe

Nyoe ka ji drop le peulisi New Zealand. Meunurot geupeugah le saksi mata nyang mantöng udep seubab seulamat Tuhan brie, tujoh boh megazen ji teume pasang ji timbak ureung. Teungku qFared Ahmad nan beliau nyan. Ureung ka tuha padahai, salah sapu tan ngön si dajeu nyan.

Teungku Fared Ahmad nyan geupike sit ka hana le umue geuh. Keunöng bak kulet pruet. Mantöng meudarah geuh. Rupajih seulamat Tuhan brie.

Meunurot info ka 46 droe nyang syahid, ta meulake bak Poe beu luwah kubu asoe syuruga. Na ureung Indoneh 6 droe meuninggai. 2 droe teungöh ji rawat bak rumoh saket. Ayah ngön aneuk. Ayah mantöng lam ruang ICU, hana geuthee droe lom. Aneuk hana that parah, luka keunöng aneuk beude ka pasti, cuma ji rawat biasa.

Nasaja kiraju, keubiet kaplat that akai jih. Meudajeu lheuh kiraju. Hai dajeu kön keubiet han me ikalön ureung seumayang. Lam paih ta sak aneuk granat lam ruhueng punggong si Branton dajeu nyan. That palak teuh kiraju.

Nyoe berita Apa rawi dari macam sumber na. Na berita na video, na macam-macam lah. Han ek ta tuleh punoh that. Meu nyoe pih, suah geu duek Da Mulah i sampeng, nyang peu tenang. Meuhan hana ta teupu-teupu kalimat ka ji teubiet bak babah teuh. Nasaja.

Share this post