Baroe Ji Peugah 400 Droe Awak GRPG Nyang Balek Seutio, Rupajih 20 Droe Sagai
Nasaja Berita – Banda Aceh, That kanjai teuh matematika ureung tanyoe lawet nyoe, 20 ji peugah 400. Ka gabuk awak-awak Prabowo dan GRPG saree baroe. Lheuh ji data anggota rupajih hana meutroh 20 droe pih nyang puta seutio. Meunan geupeugah bak konferensi pers le ketua awak GRPG Syawali Risyad.
"Jadi teukaet keujadian baroe nyang peugah awak GRPG ka meubalek arah, nyan hana beutoi. Cuma 15 atawa 20 droe sagai. Nyan pih ateuh nan pribadi, kon ateuh nan GRPG." Kheun Bang Syawali.
Teuman kon ka paih teuh matematik ureung tanyoe. Sang awai meuninggai ibuk guru awai masa jak sikula bak eseude atawa bak min. That geupeh t'em dih.
"Meunyoe na nyang peugah 400 droe nyan kon. Dan awak nyan awak mita peng. Materi, makajih ji minah." Nyan ban kheun beliau nyan.
Sangkira na roh Apa jak bunoe ka roh meutanyong, "Pu sinoe hana ijok meu keu peng kupi pih, meumada ngon ie babah tabeu?" Teuman seubab hana Apa jak kakeuh hana jadeh Apa tanyong. That na teuh.
Teuman adak hana Apa tanyong bak AJNN nyan na sit ji tuleh bahwa kheuhn bang Syawali nyan, "Sinoe tanyoe swadaya, hana peng, keu operasional peng droe teuh, ta me ripe-ripe, ta meujeut-jeut."
Geusambong le ketua DPC GRPG Banda Aceh Anara Desky, nyang bahwa, hana masalah internal sampe GRPG nyoe hana solid le, ka karu sabee droe, nyan hana.
"kamoe teutap solid, untuk peumeunang 02 Prabowo Sandi di Aceh. Nyan ka ji beurangkat awak nyan padum-padum droe hana meudaleh ngon kamoe". Kheun Anara.
Sang Anara nyang inong nyan. Nyan ka meuhie awak peulitek, hana bagah goyang. Ci siketek ilee si go ngon Apa. Asai bek i keu Da Mulah, bagah that cemburu Da Mulah Apa neukiraju, wap sayang leupah na keu Apa. Nasaja.
Nyan ban teuma..nyee
ReplyDelete