That Pangeh!! Peulisi Salah Drop, Guru SD Ji Pike Bandar Narkoba
Nasaja Berita – Aceh Utara, Nasaja neukira ju keujadian bak nanggroe geutanyoe. Rupajih nyang ji beureukah bak galon Lhoksukon tanggai 21/2 baroesa hana jadeh ji drop. Phon ji sak lam moto peulisi, bak ji pareksa ka kon. Rap rhot jantong di Pak Guru SD nyan.
Jadi meunoe, keujadian jih bak tanggai 21/2 nyan, Pak Syarifuddin teungoh geupreh rakan geuh untuk jak cok honda. Ka awai geupeugot janji meureumpok sinan, cok honda gadee (gadai. Honda nyang geu ek le Pak Syarifuddin nyoe honda ngon gobnyan, ata ji gadee ka padum watee u likot. Rencana sinan plang peng cok honda. Nyoe kon cok peng pileh long lagee bak video iklan kampanye money politic jeh beh. Nyoe keujadian keubiet.
Meunurot Pak Syarifuddin, "Bak teungoh geupreh ngon geuh, trok limong droe ureung ji tron moto langsong ji beureukah kuh, ji peutamong lam moto. Ku meulawan lah lon, seubab hana salah. JI suet pistol, ka goyang bacut." Calitra Pak Syarifuddin nyang guru SD nyan.
"Salah sidroe ureung drop lon nyan ji pakek topeng sebo. Rap rhot jantong kuh." Meunan lah calitra Pak nyan.
Awai na sit salah drop, sinoe neu klik neu baca Reumok Muka Ji Poh, The-The Ka Kon
Hana trep lheuh nyan, Pak Syarifuddin ji peulheuh. "Rupajih awak nyan peulisi, dan teungoh ji mita awak pengedar narkoba. Bak ji pareksa ka kon lon, ji peulheuh ju."
Singoh jih Pak Syarifuddin geujak bak kanto peulisi bak Polres, jak meureumpok ngon Kasatres Narkoba geujak tanyong pu pasai ji drop gobnyan malam baroe.
Geupeugah le Pak Kasat, "Ya kamoe lakee meu'ah nyan salah kamoe, salah aneuk buah lon." Kheun Pak Kasat."
"Tapi meunurot lon hanjeut meunan, han meumada lagee nyan, kiban ji peulaku tanyoe masayarakat, semena-mena meunan." Kheun Pak Syarifuddin.
Jinoe ka ji tangani le YARA, untuk laporkan awak peulisi nyan bak Propam Polda Aceh. Meunan Apa baca bak akun inseutagram @habaaceh nyang geurawi dari AJNN.net
Ka na buet lom di awak YARA kiraju. Nasaja di awak geutanyoe. Karap rhot jantong Pak Syarifuddin Apa kalinyoe.
Lage cindoi berita😂😂😂😂😂😂
ReplyDeleteAdak berita lage cindoei, yg penting i'tibar..
ReplyDeleteDi polisi pih hana propesional sagai. Ladom syit ma'en hambo
e ju..
Polisi pih itume alamat palsu, kiban cara nyan polisi,
ReplyDeleteKureung pengalaman nyan polisi