Teungku Mudas Ngön Rakan Teungku Laen Jak Lapor Abu Syiek Bak Peulisi
Nasaja Berita – Banda Aceh, Lam padum uroe nyoe abeh gabuek ureung Aceh dum bak pesbuk neukiraju. Kiban han roh, tok gara-gara akun pesbuk Abu Syiek Ureung Gasien. That meu arakate babah jih. Abeh keu ulama ji kheun. Ubee na ulama ji peu meunaphek, ji peu sisat, bahkan ji kheun haleu darah.
Nyang brat that ji kheun keu Abu Mudi. Siribee icaih ureung Aceh keu Abu Syiek nyan. Meunurot info nyang Apa teume dari syedara meutuwah. Nan aseuli Musliadi, awak Laweung, Pidie. Teuma ka tinggai di Kanada sideh. Male awak-awak Laweung gara-gara arakate nyan saboh.
Bunoe Teungku Mudas atawa Teungku Marsyuddin S.HI seulaku ketua IDA (Ikatan Dai Aceh) geujak laporkan Abu Syiek ta'eun ija brok nyan bak Mapolda Aceh, di Lingke, Banda Aceh. Khusus geujak dari Lhoksukon geujak laporkan nyan, sajan PBRTA (Pengurus Besar Rabithah Thaliban Aceh), RTA Banda Aceh, RTA Aceh Rayek, Tastafi Kota Banda Aceh, SADAR (Sentral Aktivis Dayah), dan lembaga laen.
Meunurot Apa panto dari video dan postingan pesbuk si Abu Syiek nyan, jih ka ji lop pikiran ISIS. Abeh ji peukaphee dan peumunafek ulama nyang na di donya. Seubab jih awak Aceh, maka ya pasti jih ulama Aceh nyang jiteunak ubee ek jih. Brat saket si gam ta'a nyan neukiraju
Nasaja ji mita sensasi. Kön kali nyoe khong. Ka trep ka akai meunan si arakate nyan. Meunyoe ta teume watee ji woe u nanggroe, ta ikat bak umpueng seureungga baro paih neukiraju.
0 Response to "Teungku Mudas Ngön Rakan Teungku Laen Jak Lapor Abu Syiek Bak Peulisi"
Post a Comment