Teungku Caleg DPRK Aceh Rayek Bagi-Bagi Kitab Keu Aneuk Beut Bak Dayah
Nasaja Berita – Aceh Rayek, Nyan ban adak meuna meupadum droe teuh caleg-caleg dari kalangan dayah, beu na lah meubacut leumah banu aneuk dayah. Dari seugolom geuceumaleg ka mulai kalon aneuk beut, watee ka teupileh singoh ka leubeh mudah keulayi.
Teungku Irfan Siddiq, S. Pd, seulaku caleg DPRK Aceh Rayek
dari Partai Daerah Aceh sit ka ji thee meunyoe di gampong Lambarih Jurong Raya.
Meunurot info nyang Apa reumpok dari syedara di wilayah sinan, seureng geu dong
keu imuem di meulasah gampong.
Apa pike phon, ka na umue dum umue Apa, rupajih muda that
mantong, hana lom troh lhee ploh thon. Jareung ta kalon aneuk muda ji dong
imuem lam gampong atawa ji ek keu caleg. Bahkan na info, Tgk Irfan nyoe dari di
kuliah ken ka bereh ju. Seip bak geu meu organisasi watee di IAIN Ar-Raniry
awai. Jinoe UIN ji kheun, aleh pat beda poh ata nyan hom, Apa hana get meuphom
sit.
Teungku caleg nyoe geubagi kitab keu aneuk beut bak Dayah
darul Aman, Lubok Sukon, Aceh Rayek nyang geupimpin le Teungku Haji Muhammad MJ,
mantan ketua MPU Aceh Rayek. Kitab geubagi watee acara peusijuek posko pemenangan
baroesa jeh tanggai 13 buleun Januari, karap sibuleun ka u likot. Hana meuteume
peu ek keu berita lom. Teuman adak ka teulat suah ta peu ek sit. Subab ata-ata
meunoe na manfa’at keu ureung, atawa keu caleg laen. Bek gadih jak sie kameng
keu aneuk muda gampong di laot. Cok eng yum kameng nyan, bagi keu ureung nyang
peurle peng mantong. Contoh jih aneuk beut nyang peurle keu kitab.
Geupeugah le Teungku Irfan Siddiq, ta bagi kitab nyoe,
supaya jeut keu wujud kepdulian geutanyoe teungku nyang ek caleg, mangat ta
peureuemeun ureung droe teuh lam dayah. Terutama keu santri nyang han sep biaya
lam beut. Ukuran meu keu kitab kadang suah ji meuutang. Kitab nyang geu bagi na
keuh kitab Bajuri. Kitab Fikah nyang ji meureunoe le aneuk dayah bak glah phon
that. Kitab nyang wajeb ji meureunoe le ubee na aneuk beut nyang na bak dayah.
Nyan ban, nasaja kiraju. Inoehat baro meuteume peu ek keu
berita.
0 Response to "Teungku Caleg DPRK Aceh Rayek Bagi-Bagi Kitab Keu Aneuk Beut Bak Dayah"
Post a Comment