Sofyan Daud: Eks GAM Dukong Jokowi 2 Periode, Kamoe Meukalon Bukti
Nasaja Berita – Banda Aceh, Mantan Juru Bicara GAM, Teungku Sofyan Daud kalinyoe blah Jokowi, geupakat rakan-rakan syedara lam baresan GAM awai ateuh nan eks GAM geu meudong blah Jokowi.
Meunurot Tgk. Sofyan Daud atawa biasa seureng ji meuhoi Bang Yan, Jokowi leubeh layak ta pileh, seubab ka jeulaih kiban ji keurija keu Aceh. "Jokowi ka jeulaih ji keurija untuk Aceh. Le that proyek nyang ka ta kalon. Jalan tol teungoh ji peuget, dan le that laen-laen nyang ka ji pubut untuk Aceh." Kheun Bang Yan.
Haba Bang Yan nyang Apa rawi dari Video nyang Apa nonton bak pesbuk bunoe uroe geupeugah, "Nyoe ateuh nan pribadi, kon tugaih neugara. Dan nyoe pih di luwa daripada partai. Pu keuh Partai Aceh atawa PNA, Partai Nanggroe Aceh." Bang Yan komit untuk jaga perdamaian. Bek sampe karu le ukeu. Tugas Eks GAM adalah jaga perdamaian.
"Bah pih lawet nyoe le ta deungo isu nyang ka viral teuntang Jokowi, kamoe hana meurpeureumeun nyan. Nyang kamoe kalon, pu nyang ka ji peuget untuk Aceh." Kheun Bang Yan. Bak sang Apa kalon, Bang Yan untuk bhaih peulitek memang leubeh geukalon keu bhah laba Aceh. Teuman hom sit, droegeuh Bang Yan nyang leubeh teupu dan leubeh meuphom. Apa cuma jeut cok keusimpulan dari video nyan sagai.
Ramee dari eks kombatan GAM nyang ka blah Jokowi meunurot haba Bang Yan. Kon cuma wilayah Banda Aceh deungon Aceh Rayek, tapi juga wilayah-wilayah laen. Sampe Aceh Timu na.
"Kamoe akan tron u masyarakat, meujak kampanye. Kamoe peurel that masukan dari tokoh masyarakat, ulama maupun dari partai koalisi. Untuk peusaboh kheun, kiban cara ta kampanye seucara bersama".Nyan ban neukira ju. Sang geu meuabeh Bang Yan kalinyoe, subab target Jokowi meunang di Aceh.
Lam pandangan Bang Yan, nyang duk keu Presiden Indoneh han meumada saboh periode. Memang 10 thon peurle. Seubab na geu ek lom Jokowi. "O meunyoe ukeu ji ek Presiden laen, baro ta dukong laen. Lheuh selesai Jokowi." Nyan ban haba Tgk. Sofyan Daud.
Nasaja neukiraju bak peulitek. Eks GAM ladom keunoe, ladom keudeh, Nyang peunteng bek sampe karu sabee droe. Han ek ta theun le keunong tapak dan sue beude uroe malam. Ukuran meukeu tajak jeip kupi susah teuh meunyoe konflik dan karu sabee droe.
Mubuet jue apa
ReplyDeleteLam lam punguh muramah ek. .
ReplyDeleteTetap no dua
Jln tol utk ureng kaya, bukan utk rakyat biasa hai apa . masuk berbayar, sudah bayar pajak bayar lagi utk jln didalam di negeri sendiri, inilah bentuk penjajahan .
ReplyDeleteEx boh bansaboh kreeh.kasep ka peubangai awai jino bek kapeubangai lee
ReplyDelete