Nasaja, Sekda Papua Tampa Awak KPK, Langsong Jeut Keu Tersangka
Nasaja Berita – Jakarta, Nyoe ka Apa pateh kiban reman awak Papua neukiraju. Hana meupat tinggai awak tanyoe Aceh jinoe sat seulama ka damee. Awai nyoe leubeh reman tanyoe Aceh ngon awak Papua. Lawet nyoe hana le, dum Bang Wandi mantong hana pat peugot reman le jinoe siat. Ka ji sak lam kerengkeng sideh di Jakarta, teungoh preh ji khok pale le hakim.
Pakon Apa peugah leubeh reman awak Papua. neukalon keudroeneuh kiban Sekda atawa Sekretaris Daerah Propinsi Papua Titus Emanuel Adopehan Hery Dosinaen ji teupuk awak KPK baroesa. Kon sideh di Papua jgeu teumampa, tapi di Jakarta, lam eumpung awak KPK neukiraju. Keujadian bak Hotel Borobudur, Jakarta. Nyang theun teupuk Pak Gilang Wicaksono, hana meupat-pat ka keunong ruti limong awak Papua pih di Pak Gilang. That na teuh, hana meupat-pat ka kanjai neukiraju.
Pak Hery Dosinaen ka ji parksa le Polda Metro Jaya seulaku bak daerah awak nyan keujadian. Awak KPK phon ji peu ek laporan, nyang bahwa Pak Hery ji poh awak KPK. Tapi watee ji pareksa le peulisi, Pak Hey geupeugah hana geupoh, cuma geuteupuk sagai. Nyan wap emosi, latah jaroe, meutampa sigo. Hana meupoh. Hana geusaja, dan kon geupeuko.
Jinoe ka jeut keu tersangka. Teuman le pengacara Pak Hery geulake bek sampe ji theun di Jakarta, seubab le that buet nyang harus geupeubuet sideh di Papua. Bek gara-gara nyoe meutheun buet sideh di Papua.
Di Pak Hery pih ka ka geu meungaku, ka lheuh geulake meu'ah. Geu lake meu'ah ateuh nan pribadi, ateuh nan Sekda, ateuh nan Papua. Bek sampe meudaleh keu awak Papua, gara-gara gobnyan teupuk awak KPK.
Seudangkan juru bicara KPK Pak Febri Diansyah geupeugah nyoe beujeut keu pelajaran keu mandum pihak. Bek jak theun tugaih KPK watee teungoh keurija. Dan get that geu apresiasi keurija peulisi, geutem pareksa bagah-bagah dan langsong jeut keu tersangka. Buet hanjeut keubuet pih di Pak Sekda nyan. Hana meupat-pat peugot reman. Bah pih memang keubbiet reman, talo reman awak Aceh kalinyoe. Nasaja neukiraju. Meunan Apa Raban baca bak Nusabali.com
0 Response to "Nasaja, Sekda Papua Tampa Awak KPK, Langsong Jeut Keu Tersangka"
Post a Comment