Lage Lam Phelem, Lagak That Tutu Gantung Wareuna-Wareuni di Mila, Pidie
Nasaja Berita – Pidie, Kop bereh lagoe ka di Pidie, ka mulai kreatif lom ureung. Nyoe kalinyoe berita santai mantong, hanjeut tegang-tegang that. Mangat bek kreuh that urat taku neukiraju. Seubab biasa ka le bhah peulitek.
Kalinyoe berita dari gampong Dayah Andeue, Kecamatan Mila, Pidie. Meunurot info dari Pak Sekdes, Pak Hasmidi, atawa nyang seureng ji meuhei Barilgo. Nan ka lagee nan awak meu'en phelem mafia Mexico keudeh neukiraju. Beurtoh reman nan. Awak Aceh sit hana pu hireuen keu nan, abeh macam dum kiraju.
Gampong Dayah Andeue meunyoe meunurot haba dari Pak Sekdes sit bereh neukiraju. Hai Sekdes peugah bereh, pu lom teuman. Le boh rambot sagoe nyan. Sang jeut Apa jak si ge-ge, watee musem. Kadang geubrie le Pak Sekdes meu dua boh eumpang, ka sep ta pajoh si minggu ngen Da Mulah sinoe di Kutaraja. Gampong Dayah Andeu roh lam gampong percontohan thon 2018 baroe.
Gampong Dayah Andeue mantong le situs bersejarah meunurot haba Pak Sekdes, sampe meulasah meusejarah masa dile. Teuman hana roh Apa tanyong, sejarah kiban. Nyang bereh that kalinyoe, na titi gantung ata thon Jiem jameun. geupeugah ka na mulai abad keu-8. hana pu neu bayang, golom meupat teuh pih di geutanyoe neukiraju.
Thon 2016 baroesa ka lheuh ji renovasi le Tentara Manunggal Masuk Desa (TMMD) Reguler ke – 97, aleh pu pih di TMMD nyan Apa hana get meuphom sit. Tutu nyan baroesa ka ji cet ngon leupah lagak, ka meu warna-warni. Ukuran meunyoe ta dong poto hinan sit ka meuhie di luwa nanggroe ju. Lagee di India, biasa Apa nonton phelem Shah Rukh Khan na meunan-meunan.
Baroe ka geupeusijuek le Teungku Imuem, leupah lagak ju hie tutu. Ka meuwarna-warni. Teuman si pu sagai peusan Apa keu ureung nyang lewat tutu nyan, bek trep-trep that neu piyoh neujak dong poto sinan. Ka han leupah gob lewat eunteuk. hana meupat-pat ka keunong teunak. Han ek ta peuteupat h"iem neukiraju. Kadang na ureung meukarat, saket ek atawa ciret. Tok gara-gara tanyoe, meutheun ek gob. Kon ka hana meupu cap ju.
Wate suntok that ulee teuh jeut ta jak keunan sang bak hie. Tapi watee musem boh rambot, mangat meusige jak ju. Ta pajoh boh rambot ateuh tutu sira ta poto-poto. Asai bek jak beh kulet keunan lam krueng nyan. Leumah that hana punoh akai teuh. Meunan sit meunyoe malam, aleh ek na panyoet atawa lampu hom. Meunyoe peungeuh buleun sang beurtoh lagak. Sira ta santai, ta tarek rukok meu dua bak, dang-dang ta woe u rumoh, ta peukaru Ma Sinyak. Nasaja kiraju.
0 Response to "Lage Lam Phelem, Lagak That Tutu Gantung Wareuna-Wareuni di Mila, Pidie"
Post a Comment