Kha That Panwaslih dan Satpol PP Pidie, baliho Jokowi Ji Peutron

Nasaja Berita – Pidie,  Nyan ka Apa pateh dum teh reman Panwaslih Kabupaten Pidie di Aceh. Asai meulanggeh hana urusan, adak ata Jokowi pih suah lheup neukiraju. Ubee raya baliho ata Paslon Capres-Cawapres bak jalan Prof. A. Majid Ibrahim simpang Keuniree, Sigli. Ka na buet Satpol PP Pidie kalinnyoe, ji ba rinyeun-rinyeun ji jak lheup baliho.

Meunurot info dari Panwaslih, nyang Apa baca bak AJNN, bak papan reklame nyan sit memang hanjeut jak lhat ata kampanye. Anggota Panwaslih Pidie, Pak Junaidi peugah bak wartawan, "Aturan jih hanjeut jak lhat APK atawa Alat Peraga Kampanye sinan. Meunyoe na nyang jak lhat sinan, ta lheup ju, ta tertibkan."

Sinoe neu klik neubaca, Spanduk Caleg di Banda Aceh, Ji Lheuh le Satpol PP

Meunurot info, seugolom jih Panwaslih kalheuh kirem surat u Sekber Jokowi-Amin nyang na di Banda Aceh. Teuman sampe inoehat uroe hana meujirespon sapu pih. Hoe sit ta ba teuman. Meunan lah kira-kira meuphom bahsa, bah pih hana meunan cara peugah le Panwaslih. Seubab sit beda ijih, cara peugah haba ureung na pendidikan ngon Apa Raban nyang cuma duek bak keudee kupi, meumada kupi sikhan glah, rukok gudang garam saboh bungkoh, koran bak jaroe, dumpu beurita a teupu, neukiraju.

Kon cuma ata bak jalan Prof. A Majid Ibrahim nyang ji lheup le awak Satpol PP. Pokok jih pat beurangkapat nyang na ji jak lhat APK, asai hana seusuai aturan, hana ta peu bree. Beu ta'at hukom. Keu beurangkaso. Nyan ban neukiraju. Apa sit setuju that meunyoe meunan-meunan.

Dari jalan Blok Sawah, jalan Tgk Chik di Tiro pih ji lheuh sampe bak Tutu Ara. Meunyoe jalan protokol sit memang hanjeut na. jadi asai na meudiyeung, hana ji peu bree le. Bereh memang Panwaslih dan Satpol PP Pidie. Daerah laen kiban ka? Nasaja kiraju.

Share this post