Ka Jigisa Lom Awak Cina Nyang Keurija Bak Pabrek Semen Lhoknga

Nasaja Berita – Banda Aceh, Lam padum minggu u likot na keujadian di Lhoknga, Aceh Rayek, limöng ploh sa (51) droe awak Cina nyang keurija bak PT LCI (Lafarge Cement Indonesia), atawa nan awai pabrek semen Andalas ka jipeugisa keudeh u Cina gara-gara han sep berkas keurija.

Ka hek jikeurija awak nyan, baro na nyang jak pareksa na dokumen keurija pu tan. Baroekön aleh pu ji peuset dum. Adak meudeh kön dari phon ju ta pareksa, lengkap pu han dokumen keurija awak nyan. Nyang keuh nyan di geutanyoe Aceh, mulai dari rakyat sampoe 'an pemerintah teulat jaga. Sabee lam keuadaan teukeujöt-keujöt.

Awak Cina nyang keurija bak pabrek semen nyan ji tamöng melalui PT. Shandong Licung Powet Plant Techonology seulaku mitra keurija sama ngön PT LCI di Lhoknga nya. Alah na troh awak Disnaker jak sidak, meuhan kakeuh lagee haba itu ju.

Sinoe neuklik neu baca ABA, Aliansi Buruh Aceh Demo TKA Cina

Jadi lheuh jipeugisa keudeh u Cina baroesa nyan, rupajih limöng blah (15) droe dari limöng ploh sa (51) droe ka ji gisa lom u Aceh. Seubab ka bereh dokumen. Ka lengkap. 36 droe teuk hana lom na haba. Bak sang jigisa sit lom. Mangat that keurija i Aceh kadang. Pu lom di Lhoknga, toe laot. Asai supot keunan jak santai sira ji jep ue muda asoe leumiek kiraju. Apa rencana supot nyoe meujak ngön Da Mulah.

Teukaet hai nyan kalheuh geupeusaheh le Pak Farabi Azwany seulaku Humas PT LCI di Lhoknga nyan. Nyan na meutuleh bak web berita kumparan edisi uroe Jeumeu'at (8/2) baroe.

 Nyoe berita nyoe Apa baca bunoe bak Acehsatu.com, ata geutuleh le Bang Zainal Abidin. Apa kalon bereh-bereh berita sinan, bah peh leubeh bereh bak nasajaberita.com. Kon nyoe meunan ile syedara meutuwah. Nasaja kiraju.

Share this post