Jak Geurtak Ureung Gampong, Koboy Matang Ji Beureukah Le Peulisi
Nasaja Berita - Bireuen, Pu ka ji peulaku, pakon mantong buet-buet sot ji pu buet, alahai Koboy meutuwah. Pu ji pike nyoe sideh di San Fransisco Amerika masa dile jeut peu reman-reman droe.
Koboy nyan aleh soe nan droe jih, inisial nyang ji tuleh bak Acehsatu dan AcehTribunnews, E na umue 56 thon ka leubeh kureung. Na rakan lom meu 3 droeteuk, na awak Cot Panjo sidroe, awak Gampong Lingka sidroe, awak Abeuk Jalih sidroe. Ka paih 4 droe.
Koboy ji drop di Balee Seutui le peulisi poh 11 malam, gara-gara na laporan dari warga awak si Koboy nyoe galak that ji ancam dan ji intimidasi warga untuk bhah pemilu. Aleh pu gabuk that pi awak nyan, padahai caleg pih kon. Peulisi rupajih ka mulai ji lum-lum pat si Koboy nyan. Pah lewat bak jalan nyan, ji kalon ciri-ciri moto saban lagee laporan dan ureung pih ka meuhi Koboy, ji beureukah ju leu peulisi. That na teuh, buet nyang hana geuyu pubuet ji pubuet dum.
Watee ji drop le peulisi, meunurot calitra pak peulisi bak wartawan. Na ji teume parang lom lam moto. Keupu jak ba-ba parang lam moto, pu keuh jak koh kayee, atawa ijak tot eungkot keunan daerah Matang Mamplam, u baroh Balee Seutui nyan. Nasaja kiraju.
Hana meupat-pat ka ji beureukah le peulisi. Nyan neu eu, bek that neukarat bak pemuli ngon pilpres. Watee ji drop meunoe, kon ka hana meupu sapu pih. That na teuh.
Nyan baro butoy2 kabar aceh
ReplyDelete