Demo di Banda Aceh, Aksi Gayo Merdeka: Prabowo, Pulang Tanoh Kamoe!

Nasaja Berita – Banda Aceh, Rupajih bunoe beungoh Sabtu 23/2 na demo hai bak Simpang Limong, Kuta Raja, Banda Aceh. Apa pike bunoe watee woe jak peu meu'en Da Mulah u Blang Padang pu rame-rame ret Simpang Limong, suah puta arah rot jalan Lueng Bata. Da Mulah hana alah geukalon ureng seumurak bak jalan, makajih suah balek arah bunoe.

Bak akun inseutgaram @tanyoeaceh Apa baca satnyoe ban, nyang bahwa demo awak Gayo bunoe. Ji tuntut tanoh lahan nyang ji akui le Prabowo na di Gayo nyan baroesa lam debat beu ji pulang bak masyarakat Gayo. Berita nyoe na ji ek bak AJNN.net ata geu tuleh le Fauzul Husni, poto pih ata gobnyan nyoe.

Makdin seulaku korlap demo geusampaikan nyang bahwa tanoh Gayo nyan ata masyarakat Gayo. Nyan tanoh Gayo dari masa kerajaan jameun nyan tanoh adat. "Nyan tanoh Gayo hanjeut ji kuasai le ureung laen, beurangkasoe jih. Hanjeut jikuasai, hanjeut alihkan, jak peukureung le awak nyang seip modal, awak luwa Gayo."

Ureung Gayo ramee nyang meutani. "Meunyoe petani hana tanoh, nyan kon petai nan jih, tapi buruh tani. Tinggai bak lahan tani, api cuma ta keurija bak gob, nyan saban lagee dijajah teuh. 120.000 hekar tanoh di nanggro Gayo nyan kon ubiet. Saban lagee ji jajah teuh, meunyoe nyan gob poe. Kon ubiet nyan dum nan luwah tanoh."

"Kamo han rela meunyoe tanoh di Naggroe kamoe jak kuasai le Prabowo melalui PT Tusam Hutan. Jak geureutok punggong ju awak nyan. Prabowo suah lakee meu'ah bak ureung Gayo. Pulang ubee na anoh, meunyoe peurle ubee na hasil laba jih dari awai ka ji kuasai tanoh nyan, pulang mandum keu masyarakat Gayo." Icaih that Makdin neukiraju.

Nyan neukalon, baroeken pu hana jaga dum ureung, tanoh-tanoh ka abeh ji cok le awak luwa. That na teuh. Ureung Aceh sabee teulat jaga neukira ju. Meunyoe jameun pula lada watee ka ji beurangkat kapai. Jinoe baro ta thee atnoh ka ji cok le gob, watee ka meuthon ji pajoh hasil dari tanoh geutanyoe. Nasaja kiraju.

Share this post