Teungöh Peudeh Akhe Buleun, Ka Ji Ek Yum Breuh
Nasaja Berita – Lhokseumawe, Yum breuh di wilayah seukitaran Lhokseumawe ka ji ek lom. Teungöh akhee buleun, breuh ka meuhai. Hana cara neukiraju.
Rap rata-rata ji ek waploh ribee (20ribe) rupiah saboh sak limong blah (15) kilo. Na pu teuh. Meunyoe awai saboh sak yum breuh jenis biasa, hana göt that, yum jih 145ribe rupiah. Kalinnyoe ka 165ribee rupiah. Meunyoe breuh göt sit dari 160ribee ji ek keu 180ribee rupiah sabih sak.
Meunurot geupeugah le bang Rahmat, awak meukat breuh di Lhok, memang karap sibuleun nyoe breuh ka mulai meuhai. Seubab ka troh masa trön u blang lom awai thon. Nyan biasa keujadian memang, teuman kalinyoe brat teu, sampe 20ribee. Nasaja komentar ureung bloe, pakön ka meuhai, inilah itulah. Nasaja pokokjih.
Bang Rahmat geu meukat bak pasai inpres Lhokseumawe. Nyang mita berita nyoe awak AJNN.net, di Apa baca, lheuh nyan tuleh lam bahsa Aceh deungön gaya rawi bak keude kupi bak nasajaberita. Poto-poto pih ata wartawan AJNN, kak Sarina.
Breuh kalinyoe geupasok dari Tangse, Pidie. Geupeugah le bang Rahmat,"Meunyoe na keumungkinan ji trön yum breuh singöh toe-te buleun lhee (maret). Meunyoe ji trön pih nyan."
Nyan ban berita kalinyoe neukiraju. Jadi nyang keuneuk bloe breuh, neuba peng beuleubeh. Meuhan ka han sep kilo watee neupuwoe breuh di rumoh. Na can ngambok Ma sinyak teuh.
0 Response to "Teungöh Peudeh Akhe Buleun, Ka Ji Ek Yum Breuh"
Post a Comment