Teungku Mudas: Lumboi Sa Ka OK, Lumboi Dua Mantöng Pike-Pike
Nasaja Berita – Jakarta, Baroesa akhee thon waribe lapan blaih, 2018 di Aceh kön na wacana untuk uji tes beut qureuan keu capres-cawapres Indoneh, Pak Jokowi-Kiyai Makruf dan Pak Prabowo-Pak Sandi di seumijid Raya Baiturrahman, Banda Aceh. Meunan wacana dan reuncana.
Na Apa peu ek berita nyan dua boh lom. Hana cilet-cilet meunyoe Apa peu ek berita neukiraju. Meunyoe teungöh na, nasaja kiraju. Meunyoe teungöh tan, sibuleun ta pree. That reulöh jurnalieh meunyoe model Apa nyoe.
Nyan ban hai rakoh, meunyoe awak nyoe kheun. Tapi bek neubalek-balek bahsa hai rakan seukalian. Nyankeuh bunoe beungöh Apa kalön video ata ji share le awak nyoe bak pesbuk. Na ji tag Apa. Rupajih Teungku Mudas ka leupah u Jawakarta. Jak lakee konfirmasi langsong bak awak pusat. Pu ikheun BPN (Badan Pemenangan Nasional) mandua kubu. Blah Jokowi jikheun TKN, blah Prabowo jikheun BPN. Kön kuburan beh. Tapi kubu capres-cawapres. Pukeuh lumboi sa atawa lumboi dua.
Meunurot video nyan, na lhee boh video. Nyang bahwa awak lumboi sa (awak Jokowi) ka siap untuk ikot. Teuman jadwal suah peu paih keulayi. Pu lom sibok ngön debat. Meunan keusimpulan dari Teungku Mudas watee lheuh meureumpök ngön ureung bak TKN nyan. Ramee lah ureung sambot, mulia ju meunan siangen. Troh jamee jioh na soe sambot.
Lheuh nyan Teungku Mudas geujak sit bak awak lumboi dua (awak Prabowo) jak lakee keupastian. Hai bek keucewa ureung preh. Lagee Apa, poh sikureung bunoe ka meujak panto seumijid raya, tapi hana leumah ureung nyang ramee meunan. Nyang na ureun meunikah sagai. Apa tamöng bunoe siat, jak pajoh kueh kotak sagai. Hana meuturi pih ngön poe nikah nyan.
Beh ka, watee Teungku Mudas jak bak BPN rupajih hana ureung, hana ramee nyang sambot. Ureung na, cuma awak media center sagai. Kakeuh duek jep ie sagai meunan peugah haba. Nyang inti jih suah geurapat lom ile. Pu lom pak Prabowo teungöh na rencna rayek. Aleh pu rencana pih hom. Hana geupeugah troh keunan.
Nyangkeuh meunan hai rakan dan syedara Apa Raban seukalian. Hana jadeh beurarti uroe nyoe. Ukeu aleh ek jadeh hom. Sit ka meunan jih, asai ta pakat beut sit peu eunteuk-eunteuk, bahkan han jadeh. Ci keuh ta pakat jak pajoh kuah sie kameng, meuseunoh-seunoh troh geujak, nyang hana tapakat pih geujak. Nasaja kiraju.
0 Response to "Teungku Mudas: Lumboi Sa Ka OK, Lumboi Dua Mantöng Pike-Pike"
Post a Comment