Patah Ateung Seuneulhob, 200 Droe Hana Meuhoe Ji Ba Le ie Raya
Nasaja Berita – Brazil, Kalinyoe berita dari nanggroe Cek Neng, Ronaldinho. Pokokjih Apa beu troh jak rawi berita dari nanggroe sipakbhan nyan. Bah pih kalinyoe kön bhah bola jeut keu berita.
Meunurot info ta Apa baca dari AFP, bah pih gamba ata bak Theguardian Apa cok nyang kalheuh ji terjemah le awak detik.com na patah ateuh sideh di Brazil. Bendungan meunyoe awak Indoneh kheun, meunyoe bahsa Brazil, hana Apa teupu sit. Teuman meunyoe ateumg, biasa jh ateung blang awata ateung neuheun. Meuhan kakeuh ateung lueng. Seubeutoi jih leubeh cocok ta kheun seuneulhob seubab theun ie bek raya that. Meunyoe nyang kheun jeuneurob pih jeut sit, teuman bak gampong Ap jeuneurob nya bak pageu biasa, bak geureundong geu glöng.
Beh ka, gabuek ta peutimang keu bahsa ,ka tuwö teuh keu berita. Jadi keujadian bak uroe Jeumeu'at baroe di daerah kota Belo Horizonte. That bereh nan kota nyan, meunyoe salah tabaca bak gabuek-gabuek teuh ka roh meubaca pu laen.
Na seukitaran 200 droe korban ji ba le ie. Teuman beh pu haba meunyoe dum nan raya ie. Ukuran leuhop lam krueng nyang ji lhob nyan, troh u kota Brumadinho. Nyan ka meuhie Brazil, ka na dinho bak ujong nan kota, lagee Ronaldino, Cek Neng awak Aceh kheun.
Ubee na helikopter ji wet-wet daerah nyan jak seutöt korban. Langsong dari pusat troh bantuan neukiraju. Nyang bereh, awak pemadam kebakaran langsong trön u lapangan jak peu seulamat ureung. Lheuh ji data, seukitaran 200 droe ureung hana meuhoe. Nyan ka wabakireuh na meupadum ploh. Hai wabakireuh nyan gasa that haba. Bek neu pakek sagai na neu deungö.
Nasaja di awak Brazil, patah seuneulhob, ie raya lam kota. Keupu urusan awak pemadam kebakaran. Alah hom, nanggroe gob, hana Apa tu'oh. Nasaja kiraju.
0 Response to "Patah Ateung Seuneulhob, 200 Droe Hana Meuhoe Ji Ba Le ie Raya"
Post a Comment