Mahasiwa UGL Ka Ji Segel Kanto Bupati Agara, Pu Bhah Lom?

Nasaja Berita – Kutacane, Get that rame mahasiswa dari Universias Gayo Luwes, eh salah neu kalon. Meukeusud Apa Universitas Gunung Lauser, uroe Rabu baroesa tanggai 23/1 jak demo bak kanto bupati Agara atawa Aceh Tenggara. Aleh pu keujadian, nyan pokokjih sampe bak ujong acara demo, ka ji segel kanto bupati.

Rupajih watee Apa mita info bak lintasgayo.co na ji peu ek lam berita disinan nyang bahwa ji segel kanto bupati gara-gara bupati han geu tem teubiet jak meureumpok ngon mahasiswa watee demo. "Pengecut that bupati, padahai kamoe mahasiswa aneuk geuh sit" Nyan ban kheun Almujawadin, seulaku koordinator nyang tanggongjaweub aksi demo baroesa.

"Kamoe seulaku aneuk dari bupati seubago ureug chik kamoe di Kaputen nyoe, adak meudeh kon beu geuiet na. Geu tem lah meureumpok ngon kamoe. Bek nyang na carong, meujanji sagai. Jani peu akftif keulayi kampus UGL, tapi hana meujan."

Meunurot info, lheuh ji segel pinto tamong kanto bupati, awak mahasiswa pih ji peusapat ubee na broh di sinan, ji tot. Nyan neukalon kiban meutuwah mahasiswa lawet nyoe, broh nyang na di sekitaran kanto bupati jitem peugleh, ji tot lom, Nasaja kiraju.

Watee nyan, rupajih mahasiswa nyan ji dom sinan sampe malam. Ji eh di keu kanto bupati. Teuman aleh padum trep jadeh ji dom sinan, hana Apa teupu sit. Hana troh keunan troh info bak Apa.

Nyoe adak ka teulat Apa tuleh keu berita, kakeuh teulat ju. Daripada tan, mangat na info bacut keu syedara-syedara laen teuntang kiban dan pu na keujadian di Aceh Tengah dan sekitaran, atawa wilayah Barsela, barat-Selatan.

Share this post